‘కరోనా వైరస్’ సినిమా ద్వారా సంచలన దర్శకుడు ప్రేక్షకుల ముందుకు వస్తోన్న సంగతి తెలిసిందే. కరోనా వైరస్ ప్రజల్లో ఎలాంటి భయాన్ని తీసుకొచ్చింది.. దీని వల్ల కుటుంబాల్లో ఎలాంటి మార్పులు వచ్చాయి అనే అంశాలతో ‘కరోనా వైరస్’ సినిమాను రూపొందించారు. కరోనా సమయంలో ఇంట్లోనే ఇరుక్కుపోయిన ఓ కుటుంబంలో జరిగే ఘటనలే ఈ సినిమా ఇతివృత్తం. రామ్ గోపాల్ వర్మ పర్యవేక్షణలో అగస్త్య మంజు దర్శకత్వం వహించిన ఈ చిత్రం డిసెంబర్ 11వ తేదీన థియేటర్లలో విడుదలవుతోంది. ఈ సినిమా ద్వారా దక్షి గుత్తికొండ అనే తెలుగమ్మాయి వెండితెరకు పరిచయమవుతోంది. ఈ చిత్రంలో ఆమె కీలక పాత్ర పోషించింది. సోషల్ మీడియా ద్వారా దక్షిని వర్మ పరిచయం చేసిన తరవాత ఆమె బాగా పాపులర్ అయ్యారు. దీనికితోడు ఇన్స్టాగ్రామ్లో హాట్ హాట్ ఫొటోలను పోస్ట్ చేస్తూ ఫాలోవర్లను పెంచుకుంటోంది దక్షి. అయితే, ‘కరోనా వైరస్’ సినిమాలో నటించిన తన అనుభవాన్ని తాజాగా దక్షి మీడియాతో పంచుకుంది. See Photos: దక్షి గుత్తికొండ మాట్లాడుతూ.. ‘‘సోషల్ మీడియాలో ఉన్న నా గ్లామర్ ఇమేజ్కి సినిమాలో చేసిన రోల్కి అస్సలు సంబంధం ఉండదు. ఒక తెలుగు ఫ్యామిలీలో తమిళ కోడలిగా వంశీ చాగంటికి భార్యగా నేను కనిపిస్తాను. నా మొదటి సినిమాలోనే డీ గ్లామ్ క్యారెక్టర్ చెయ్యటం ఛాలెంజింగ్గా అనిపించింది. కరోనా టైంలో తెలుగమ్మాయి అయిన నాకు మొదటి సినిమా అవకాశం ఇచ్చిన రామ్ గోపాల్ వర్మ గారికి ధన్యవాదాలు. ఇలాంటి పాత్రలే చెయ్యాలని నాకంటూ పరిమితులేమి పెట్టుకోలేదు. ఒకవేళ కథ నచ్చితే ఏ తరహా పాత్ర అయినా పోషిస్తాను. అలాగే కథ డిమాండ్ చేస్తే గ్లామర్, రొమాంటిక్ సీన్స్లో నటించడానికి కూడా సిద్ధమే’’ అని చెప్పింది.
from Telugu Movie News | Movie News in Telugu | Movie Gossips in Telugu https://ift.tt/370fxcR
v
No comments:
Post a Comment