శేఖర్ మాస్టర్.. అప్పటిదాకా రెగ్యులర్ స్టెప్స్తో విసిగిపోయిన తెలుగు ప్రేక్షకులకు కొత్త టేస్ట్ చూపించి డాన్స్లో కూడా ఎన్నో వేరియేషన్స్ ఉంటాయని నిరూపించిన కొరియోగ్రాఫర్ ఆయన. స్టార్ హీరో ఇమేజ్కి మ్యాచ్ అయ్యేలా స్టెప్పులను కంపోజ్ చేసి గుర్తింపు తెచ్చుకున్న ఆయన 'ఢీ' షో ద్వారానే ఫుల్ ఫేమస్ అయ్యారు. ఆ షోలో కంటిస్టెంట్గా పాల్గొని అదే షోకి జడ్జిగా వ్యవహరిస్తూ ఆకట్టుకుంటున్నారు. ఇకపోతే పండుగల వేళ స్పెషల్ ప్రోగ్రామ్స్లో, అదేవిధంగా జబర్దస్త్ వేదికపై చేసే హంగామా అంతాఇంతా కాదు. కాగా తాజాగా ప్రముఖ మీడియాతో మాట్లాడిన ఆయన , , పూర్ణలపై తన అభిప్రాయం చెప్పారు. ఢీ షో జడ్జిల స్థానంలో ప్రియమణి, పూర్ణలతో కలిసి కూర్చొనే శేఖర్ మాస్టర్ హంగామా ఎలా ఉంటుందనేది ప్రతి బుల్లితెర ప్రేక్షకుడికి తెలుసు. ఢీ కంటిస్టెంట్స్ డాన్స్ పర్ఫార్మెన్స్ చూస్తూనే యమ చలాకీగా కనిపిస్తూ మధ్యమధ్యలో పంచులు విసురుతూ నవ్వించడం మనోడి స్టైల్. ఈ నేపథ్యంలోనే తాజా ఇంటర్వ్యూలో తోటి జడ్జెస్ ప్రియమణి, పూర్ణల గురించి ఓపెన్ అయ్యారు శేఖర్ మాస్టర్. ఢీ షో తమ మధ్య స్నేహాన్ని పెంచిందని, అలాగే వాళ్లలో ఎప్పుడూ తాము హీరోయిన్లం అనే గర్వం కనిపించలేదని అన్నారు. అందరితోనూ కలిసిపోయే తత్వం వాళ్లది అని పేర్కొన్నారు. ఇకపోతే అవకాశం దొరికితే చాలు జబర్దస్త్ జడ్జ్ రోజాతో స్టెప్పులేసి ప్రేక్షకులను హుషారెత్తించే శేఖర్ మాస్టర్.. రోజా గురించి కూడా తన మనసులో మాట బయటపెట్టారు. జబర్దస్త్ షోకి వెళ్లడం చాలా సరదాగా అనిపిస్తుందని, అప్పుడప్పుడు చుట్టాలింటికి వెళ్లినట్లుగా అనిపిస్తుందని అన్నారు. ''రోజాగారు మంచి డ్యాన్సర్. ఏదైనా ఈవెంట్ ఉంటే ఒకరోజు ముందే వచ్చి ప్రాక్టీస్ చేస్తారు. ఒక వేళ అలా వీలుకాక నేరుగా కెమెరా ముందుకొచ్చినా ఎక్కడా తడబడరు. చాలా సరదాగా అందరితోనూ కలిసిపోయే తత్వం రోజాగారిది'' అని చెప్పారు. Also Read: అదేవిధంగా తన కెరీర్ గురించిన పలు ఆసక్తికర విషయాలు పంచుకున్న శేఖర్ మాస్టర్.. దర్శక-నిర్మాతలకు తన కొరియోగ్రఫీ నచ్చి అవకాశాలు ఇస్తుంటారని, వారి అంచనాలను అందుకోవాలంటే మరింత కష్టపడాల్సిందే అని అన్నారు. అందుకే సెట్స్ మీద తనలో కాస్త టెన్షన్, ఆ వణుకు కనిపిస్తుందని తెలిపారు.
from Telugu Movie News | Movie News in Telugu | Movie Gossips in Telugu https://ift.tt/2Izf3RA
v
No comments:
Post a Comment