విక్టరీ వెంకటేష్ విదేశాల్లో చదువుకుని వచ్చారని, ఇంగ్లిష్ బాగా మాట్లాడతారని, ఫారన్ కల్చర్ బాగా తెలిసిన వ్యక్తని చాలా మందికి తెలుసు. అయితే, నందమూరి బాలకృష్ణ మాదిరిగా వెంకటేష్కు ఆధ్యాత్మికత, ధార్మికత ఎక్కువని ఎంత మందికి తెలుసు? బహుశా చాలా మందికి తెలియకపోవచ్చు. అందుకే, వెంకటేష్లో ఈ కోణాన్ని కూడా తెలియజేస్తూ ఆయనకి పుట్టినరోజు శుభాకాంక్షలు తెలిపారు జనసేన అధినేత, పవర్ స్టార్ . ఈ మేరకు జనసేన అధ్యక్షుడి హోదాలో ఒక ప్రెస్ నోట్ను విడుదల చేశారు. ‘‘శ్రీ వెంకటేష్ గారికి హృదయపూర్వక జన్మదిన శుభాకాంక్షలు. మంచి మనసున్న సన్మిత్రులు, ప్రముఖ కథానాయకులు శ్రీ వెంకటేష్ గారికి హృదయపూర్వక జన్మదిన శుభాకాంక్షలు. తెలుగు చిత్ర పరిశ్రమలో శ్రీ వెంకటేష్ గారితో నాకున్న స్నేహం ఎంతో ప్రత్యేకమైనది. నేను కథానాయకుణ్ణి కాక ముందు నుంచి ఆయనతో నాకు మితృత్వం ఉంది. తరచూ శ్రీ వెంకటేష్ గారితో మాట్లాడుతూ ఉండేవాణ్ణి. ఆయన మంచి చదువరి. ముఖ్యంగా ఆధ్యాత్మిక, ధార్మిక, లౌకిక సంబంధమైన పుస్తకాలు ఎక్కువగా చదివేవారు. అందులో ఉన్న విషయాలు వివరించేవారు. ఆ సంభాషణలు, చర్చలే మా స్నేహాన్ని ధృడపరచాయి. ఇప్పటికీ మా ఇద్దరి మధ్య సినిమా విషయాలతోపాటు హైందవ ధర్మం, భక్తికి సంబంధించిన విషయాలు చర్చకు వస్తుంటాయి. ఆ స్నేహమే మేమిద్దరం ‘గోపాల గోపాల’ చిత్రంలో నటించేలా చేసింది. మా ఆలోచనలకు ఆ చిత్రం అద్దంపట్టింది. కొత్త తరం దర్శకుల కథలకు.. ఆలోచనలకు అనుగుణంగా తనను తాను మలచుకొనే శ్రీ వెంకటేష్ గారు మరిన్ని విజయాలతో ప్రేక్షకులను మెప్పిస్తారని ఆకాంక్షిస్తున్నాను’’ అని నోట్లో పవన్ కళ్యాణ్ పేర్కొన్నారు. Also Read: కాగా, వెంకటేష్ పుట్టినరోజు సందర్భంగా ఆయన నటిస్తోన్న ‘నారప్ప’ చిత్రం నుంచి ఫస్ట్ గ్లింప్స్ను నిన్న విడుదల చేసిన విషయం తెలిసిందే. ఈ చిన్న వీడియో అభిమానులతో పాటు సినీ ప్రియులను విశేషంగా ఆకట్టుకుంటోంది. ఇది తమిళ చిత్రం ‘అసురన్’కు రీమేక్. శ్రీకాంత్ అడ్డాల దర్శకత్వం వహిస్తున్నారు. ప్రియమణి, కార్తిక్ రత్నం, రావు రమేష్, రాజీవ్ కనకాల తదితరులు నటిస్తున్నారు. మణిశర్మ సంగీతం సమకూరుస్తున్నారు. డి.సురేష్ బాబు, కలైపులి ఎస్. థాను నిర్మాతలు. దీంతో పాటు ఈరోజు ‘F3’ కాన్సెప్ట్ పోస్టర్ను కూడా విడుదల చేశారు. ఈ చిత్రానికి అనిల్ రావిపూడి దర్శకుడు. 2021లో ఈ చిత్రం ప్రేక్షకుల ముందుకు రానుంది.
from Telugu Movie News | Movie News in Telugu | Movie Gossips in Telugu https://ift.tt/3aeacR4
v
No comments:
Post a Comment