సూపర్ స్టార్ మహేష్ బాబు కుమార్తె సితార చిన్న వయసులోనే బ్రాండ్ అంబాసిడర్గా మారారు. చిన్న పిల్లల కోసం రూపొందించిన 3డి యానిమేషన్ వెబ్ సిరీస్ ‘ఫంటాస్టిక్ తార’కు సితార బ్రాండ్ అంబాసిడర్గా వ్యవహరిస్తున్నారు. ఈ వెబ్ సిరీస్ ఫస్ట్ లుక్, టీజర్ను ఆమె గురువారం హైదరాబాద్లో ఆవిష్కరించారు. ఈ కార్యక్రమంలో సితార తల్లి నమ్రతా శిరోద్కర్, బాలీవుడ్ నటి నేహా ధూపియా, తెలంగాణ ఐటీ శాఖ ముఖ్య కార్యదర్శి జయేష్ రంజన్ ముఖ్య అతిథులుగా విచ్చేశారు. ‘ఫంటాస్టిక్ తార’ క్రియేటర్ - దర్శకుడు కేవీ రాజేంద్ర, నిర్మాతలు మనీష్ ఫత్నాని, నయన్ ఫత్నాని పాల్గొన్నారు. ఈ సందర్భంగా సితార మాట్లాడుతూ.. ఈ వెబ్ సిరీస్కు బ్రాండ్ అంబాసిడర్గా వ్యవహరిస్తుండటం చాలా సంతోషంగా ఉందని చెప్పింది. ‘నా ఫ్రెండ్ తార నాతో పాటు ఎదుగుతుంది’ అని సితార అన్నది. ఇక తార పాత్రకు సితార స్ఫూర్తి అని దర్శకుడు కేవీ రాజేంద్ర అన్నారు. ‘నాలాంటి చిన్న పిల్లల కోసం మీరు ఏదైనా చేయొచ్చు కదా అని నా కొడుకు నన్ను అడిగాడు. దానికి సమాధానంగా ఈ సిరీస్ను క్రియేట్ చేశాను’ అని రాజేంద్ర చెప్పుకొచ్చారు. కాగా, ఈ వెబ్ సిరీస్ను మాస్ బంక్ మూవీస్ సమర్పణలో మ్యాజిక్ మ్యాట్రిక్స్ స్టూడియోస్ నిర్మించింది. ఎనిమిదేళ్ల తార తన ఇద్దరు స్నేహితులతో కలిసి చేసే సాహసాలే ఈ సిరీస్. ‘ఫంటాస్టిక్ తార’ ఫ్రాంచైజ్తో ఒక ఫీచర్ ఫిల్మ్ను కూడా రూపొందించే ఆలోచనలో ఉన్నారు నిర్మాతలు. ‘ఫంటాస్టిక్ తార’ వెబ్ సిరీస్ ఫస్ట్ సీజన్ ప్రస్తుతం నిర్మాణ దశలో ఉంది. వచ్చే ఏడాది ఏప్రిల్ నుంచి ఈ సిరీస్ను అందుబాటులోకి తెచ్చేందుకు టీమ్ ప్రయత్నిస్తోంది.
from Telugu Movie News | Movie News in Telugu | Movie Gossips in Telugu https://ift.tt/2KNmZzr
v
No comments:
Post a Comment