దొరకునా ఇటువంటి సేవ: అమ్మాయి గుప్పిట్లో ముగ్గురు అబ్బాయిల వేళ్లు.. ఈ పోస్టర్‌ పరమార్థం ఏంటో!!

కమర్షియల్ సినిమాలకు దూరంగా కంటెంట్ ఓరియెంటెడ్ సినిమాలు ఈ మధ్య కాలంలో టాలీవుడ్‌లో ఎక్కువయ్యాయి. అయితే, ఈ కంటెంట్ ఓరియెంట్‌డ్ సినిమాలపై ప్రేక్షకుల ఆసక్తిని పెంచేందుకు కాస్త అడల్ట్ కంటెంట్‌ను వాడుతున్నారు. అలాంటి కంటెంట్‌తోనే పోస్టర్లు, ప్రోమోలు క్రియేట్ చేసి ప్రేక్షకుల ముందుకు తీసుకొస్తున్నారు. సినిమాకు మంచి ప్రచారం కల్పిస్తున్నారు. మరి ఈ సినిమా ఆ కోవకు చెందుతుందో లేదో తెలీదు కానీ ప్రస్తుతం టైటిల్ పోస్టర్ అయితే మాత్రం సోషల్ మీడియాలో వైరల్ అవుతోంది. ‘దొరకునా ఇటువంటి సేవ’ టైటిల్‌తో టాలీవుడ్‌లో ఒక సినిమా వస్తోంది. ఈ సినిమా పోస్టర్‌ను గురువారం విడుదల చేశారు. ఈ పోస్టర్‌లో నటీనటులు ఎవరూ లేరు. ‘దొరకునా ఇటువంటి సేవ’ అని టైటిల్ ఉంది. ఈ లైన్ ఎంత పాపులరో అందరికీ తెలిసిందే. ‘శంకరాభరణం’ సినిమాలో పాపులర్ సాంగ్ నుంచి ఈ లైన్ తీసుకుని టైటిల్ పెట్టడం వల్ల ప్రేక్షకుల దృష్టిని కొంచెం ఆకర్షించి ఉండొచ్చు. Also Read: టైటిల్ వల్లే ఈ పోస్టర్ వైరల్ అవుతుందా? అంటే.. కాదని చెప్పాలి. టైటిల్ పైన ‘ఇన్‌క్రెడిబుల్ రివేంజ్ ఇన్ దిస్’ అని క్యాప్షన్‌ పెట్టారు. ఆ క్యాప్షన్‌లో సైతం ‘DIS’ అని షార్ట్ కట్ ఫాంను డిజైన్ చేశారు. ‘I’ అక్షరంపై అమ్మాయి సెక్సీగా నిలబడిన షాడో ఉంది. వీటన్నింటి కన్నా ముఖ్యంగా ముగ్గురు అబ్బాయిల చూపుడు వేలను ఒక అమ్మాయి తన గుప్పిటలో పట్టుకొని ఉండటం ప్రేక్షకుల దృష్టిని ఆకర్షిస్తోంది. ఈ పోస్టర్‌లో ఒక ద్వంద్వార్థం కనిపిస్తోంది. అదేంటో ప్రేక్షకులకు కూడా అర్థమయ్యే ఉంటుంది. కాగా, ఈ సినిమాకు రామచంద్ర రాగిపిండి దర్శకత్వం వహించారు. దేవి ఫిలిం ఫ్యాక్టరీ పతాకంపై దేవ్ మహేశ్వరం నిర్మిస్తున్నారు. తమ చిత్ర పోస్టర్‌కు మంచి స్పందన రావడంపై నిర్మాత దేవ్ మహేశ్వరం స్పందించారు. ‘‘సినిమా చిత్రీకరణ పూర్తయింది. పోస్ట్ ప్రొడక్షన్ పనులు ఇంచుమించుగా పూర్తయ్యాయి. ప్రస్తుతం డీటీఎస్ మిక్సింగ్ ఫైనల్ దశలో ఉంది. జనవరిలో సినిమాను విడుదల చేయాలని అనుకుంటున్నాం. టీజర్ విడుదలయ్యే వరకూ నటీనటులు ఎవరనేది సస్పెన్స్. కొత్త నటీనటులతో చేశామా? పాత నటీనటులతో చేశామా? అనేది టీజర్ చూసి తెలుసుకోవాలి’’ అని అన్నారు. దర్శకుడు రామచంద్ర రాగిపిండి మాట్లాడుతూ.. ‘‘వివాహేతర సంబంధాలకు సంబంధించిన కథతో సస్పెన్స్ క్రైమ్ డ్రామాగా సినిమాను రూపొందించాం. వివాహేతర సంబంధాల నేపథ్యంలో కథను ఎంపిక చేసుకోవడానికి గల కారణం ఏంటంటే.. ఇటీవల ఓ డేటింగ్ యాప్ చేసిన సర్వేలో ప్రతి పదిమందిలో ఏడుగురు వివాహేతర సంబంధాలపై ఆసక్తి చూపిస్తున్నారని తెలిసింది. ముఖ్యంగా ఆ ఏడుగురిలో పురుషుల కంటే మహిళలు ఎక్కువ శాతం ఉన్నారనే విషయం తెలిసి షాకయ్యా. Also Read: మరో సర్వేలో ప్రస్తుత సమాజంలో జరుగుతున్న నేరాల్లో అక్రమ సంబంధాల కారణంగా జరుగుతున్న నేరాలు మొదటి స్థానంలో ఉన్నాయని తేలింది. ‘ప్రియుడితో రెడ్ హ్యాండెడ్‌గా భర్తకు దొరికిన భార్య.. వాళ్ళిద్దరినీ చంపిన భర్త’, ‘ప్రియుడితో కలిసి భర్తను చంపిన భార్య’ వంటి ఘటనలు వార్తల్లో ప్రముఖంగా వినిపిస్తున్నాయి. క్షణికానందం కోసం జీవిత భాగస్వాములను హత మార్చడానికి సైతం కొందరు వెనుకాడటం లేదు. నిత్యం ఏదొక ప్రాంతంలో ఇటువంటి ఘటనలు జరిగినట్టు వార్తల్లో ప్రజలు చూస్తున్నారు. వివాహేతర సంబంధాలు పెట్టుకున్న మనుషుల వల్ల ఎటువంటి సంబంధం లేని వాళ్లు ఎటువంటి సమస్యలు ఎదుర్కొంటున్నారు? అనే అంశంతో మూడు కథల సంకలనం (యాంథాలజీ)గా నాన్ లీనియర్ స్క్రీన్‌ప్లేతో సినిమాను రూపొందించాం’’ అని చెప్పారు. ఇదిలా ఉంటే, ఈ చిత్రానికి సాయి కార్తీక్ సంగీతం సమకూర్చారు. రామ్ పండగల సినిమాటోగ్రఫీ అందించారు. ఛోటా కె. ప్రసాద్ ఎడిటర్.

from Telugu Movie News | Movie News in Telugu | Movie Gossips in Telugu https://ift.tt/3nauRJC
v