బాలీవుడ్లోని స్టార్ హీరోయిన్లలో ఒకరైన తన కెరీర్లో ఎన్నో అడ్డంకులను అధిగమించి ఈ స్థాయికి వచ్చారు. తన జర్నీని రాబోయే నటీమణులకు ఒక స్ఫూర్తిగా నిలిపారు. భారత క్రికెట్ జట్టు కెప్టెన్ విరాట్ కోహ్లీని ప్రేమించి పెళ్లాడిన అనుష్క.. అటు వ్యక్తిగత జీవితాన్ని, ఇటు ప్రొఫెషనల్ లైఫ్ను బ్యాలెన్స్ చేస్తూ ముందుకు వెళ్తున్నారు. ప్రస్తుతం ఆమె గర్భవతి. అయితే, తన లక్ష్యాలకు గర్భం అడ్డుకాదు అని నిరూపిస్తూ సినిమా షూటింగ్ల్లోనూ పాల్గొంటున్నారు అనుష్క. ఇదిలా ఉంటే, ఫిట్నెస్కు అధిక ప్రాధాన్యత ఇచ్చే అనుష్క శర్మ.. గర్భంతో ఉన్నా యోగా ప్రాక్టీస్ను ఆపడంలేదు. డాక్టర్ సూచన మేరకు యోగా చేస్తున్నారు. ఈ మేరకు గర్భం దాల్చిన తరవాత యోగాసనం వేసిన ఫొటోను మంగళవారం ఇన్స్టాగ్రామ్లో అనుష్క పోస్ట్ చేశారు. ఈ ఫొటోలో అనుష్క శిరసాసనం వేసి కనిపించారు. కోహ్లీ తన భార్య కాళ్లు పట్టుకుని ఆసనం వేయడానికి సహాయపడుతున్నారు. నిజానికి ఇది కష్టమైన ఆసనం. అలాంటిది గర్భంతో ఉండి కూడా అనుష్క ఈ ఆసనం వేయడంపై నెటిజన్లు ఆశ్చర్యం వ్యక్తం చేస్తున్నారు. Also Read: ఈ ఆసనం గురించి అనుష్క ఇన్స్టాగ్రామ్ పోస్ట్లో వివరించారు. ‘‘తలకిందులుగా వేసే ఈ ఆసనం చాలా కష్టమైనది. యోగాకు నా జీవితంలో అధిక స్థానం ఉంది. నేను గర్భం దాల్చకముందు వేసిన ఆసనాలు అన్నింటినీ ఇప్పుడు వేయొచ్చని నా డాక్టర్ నాకు సూచించారు. కాకపోతే ఓ స్థాయి వరకు మాత్రమే వేయాలని చెప్పారు. అలాగే, ఆసనాలు వేసేటప్పుడు వేరొకరి సహాయం తీసుకోవాలన్నారు. నేను ఎన్నో ఏళ్లుగా వేస్తున్న శిరసాసనాన్ని ఇప్పుడు వేయడానికి గోడ సహాయం తీసుకున్నాను. అలాగే, నా బ్యాలెన్స్ సంగతిని నా భర్త చూసుకున్నారు. ఆయన నాకు అదనపు భద్రత. ఈ ఆసనాన్ని నా యోగా టీచర్ పర్యవేక్షణలో చేశాను. ఈ యోగా సెషన్ మొత్తాన్ని ఆమె వీడియో కాల్ ద్వారా పర్యవేక్షించారు. గర్భం దాల్చిన తరవాత కూడా నా యోగా ప్రాక్టీస్ను కొనసాగిస్తున్నందుకు చాలా ఆనందంగా ఉంది’’ అని అనుష్క పేర్కొన్నారు. కాగా, అనుష్క గర్భం దాల్చిన విషయాన్ని ఆగస్టులో కోహ్లీ దంపతులు ప్రకటించారు. జనవరిలో అనుష్క బిడ్డకు జన్మనివ్వనున్నారు. 2017లో అనుష్క, విరాట్ కోహ్లీ వివాహం చేసుకున్న సంగతి తెలిసిందే. 2017 డిసెంబర్ 11న విరుష్క వివాహ వేడుక ఇటలీలో ఘనంగా జరిగింది.
from Telugu Movie News | Movie News in Telugu | Movie Gossips in Telugu https://ift.tt/36qJAKw
v
No comments:
Post a Comment