ఆమెకు 37.. అతడికి 25.. పెళ్లికి 12 ఏళ్ల గ్యాప్ సమస్యే కాదంటోన్న బిగ్ బాస్ బ్యూటీ!

కొన్నేళ్లుగా సహజీవనం చేస్తున్న హిందీ టీవీ నటి, మోడల్ గౌహర్ ఖాన్ (37), కొరియోగ్రాఫర్ జైద్ దర్బార్ (25) వివాహ బంధంతో ఒక్కటవుతున్నారు. వీరి వివాహ వేడుక డిసెంబర్ 25న జరగనుంది. ఈ మేరకు వీళ్లిద్దరూ తమ వివాహ తేదీని తాజాగా ప్రకటించారు. గత నెలలో వీరి నిశ్చితార్థ వేడుక ముంబైలో జరిగింది. కరోనా వైరస్ పరిస్థితి కారణంగా కేవలం సన్నిహితుల సమక్షంలో నిశ్చితార్థ వేడుకను నిర్వహించారు. గౌహర్ ఖాన్, జైద్ దర్బార్ వయసుల మధ్య 12 ఏళ్ల వ్యత్యాసం ఉంది. తన కన్నా 12 ఏళ్ల చిన్నవాడిని గౌహర్ ఖాన్ పెళ్లాడబోతున్నారు. ఈ విషయం ఇప్పటికే సోషల్ మీడియాలో బాగా వైరల్ అయ్యింది. అయితే, తమ వయసుల మధ్య వ్యత్యాసం తమ దాంపత్య జీవితానికి సమస్యే కాదని గౌహర్ ఖాన్ అంటున్నారు. 12 ఏళ్ల గ్యాప్‌ను తప్పుగా చూపుతూ వార్తలు రాయడం తప్పని అన్నారు. జైద్ తనకంటే పరిణితి చెందినవాడని, తనను బాగా అర్థం చేసుకుంటాడని గౌహర్ అంటున్నారు. కాగా, గౌహర్ ఖాన్ మోడలింగ్ నుంచి టీవీ, సినిమా పరిశ్రమల్లోకి అడుగుపెట్టారు. ‘ఇషఖ్‌జాదే’, ‘రాకెట్ సింగ్: సేల్స్‌మేన్ ఆఫ్ ది ఇయర్’ సినిమాలతో గౌహర్ ఖాన్ గుర్తింపు తెచ్చుకున్నారు. తెలుగులో ‘శంకర్ దాదా ఎంబీబీఎస్’ సినిమాలో ‘నా పేరే కాంచనమాల’ పాటలో చిరంజీవితో కలిసి ఆడిపాడారు. హిందీ బిగ్ బాస్ సీజన్ 7లో పాల్గొని విజేతగా నిలిచారు. ఈ ఏడాది ప్రసారమవుతోన్న బిగ్ బాస్ 14లోనూ స్పెషల్ అప్పీరియన్స్ ఇచ్చారు. మరోవైపు, మ్యూజిక్ కంపోజర్ ఇస్మాయిల్ దర్బార్ కుమారుడు అయిన జైద్ దర్బార్ కొరియోగ్రాఫర్‌గా ఎదుగుతున్నారు. Also Read:

from Telugu Movie News | Movie News in Telugu | Movie Gossips in Telugu https://ift.tt/3mB9SPS
v