టాలీవుడ్ హ్యాండ్సమ్ హంక్ సోమవారం (డిసెంబర్ 14)న 36వ ఏట అడుగుపెట్టారు. నిజానికి రానా పుట్టినరోజు హడావుడి నిన్నే మొదలైపోయింది. టాలీవుడ్ ప్రముఖులు చాలా మంది రానా బర్త్డే సీడీపీని విడుదల చేసి ముందుగానే శుభాకాంక్షలు తెలియజేశారు. ఫ్యాన్స్ కూడా నిన్నటి నుంచే రానాకు విషెస్ చెప్పడం మొదలుపెట్టారు. ఇక సోమవారం రానా సహ నటులు, స్నేహితులు, అభిమానులు ట్విట్టర్ ద్వారా పుట్టినరోజు శుభాకాంక్షలు తెలియజేస్తున్నారు. రానాకు పుట్టినరోజు శుభాకాంక్షలు తెలిపిన సినీ ప్రముఖుల్లో మహేష్ బాబు, అల్లు అర్జున్, సాయి పల్లవి, నాని, రవితేజ, అల్లు శిరీష్, రామ్ పోతినేని, అడివి శేష్, సుధీర్ బాబు, అనసూయ, శ్రీవిష్ణు, శోభు యార్లగడ్డ, నాగబాబు తదితరులు ఉన్నారు. మరోవైపు, రానా పుట్టినరోజు సందర్భంగా విడుదలైన ‘విరాటపర్వం’ ఫస్ట్ గ్లింప్స్ విశేషంగా ఆకట్టుకుంటోంది. కామ్రేడ్ రవన్నగా రానాను ప్రేక్షకులకు పరిచయం చేశారు. నక్షలైట్ కామ్రేడ్ రవన్న కథ ఆధారంగా ఈ సినిమాను రూపొందిస్తున్నారు దర్శకుడు వేణు ఊడుగుల. తాజాగా విడుదలైన ‘విరాటపర్వం’ ఫస్ట్ గ్లింప్స్లో రానా లుక్, బ్యాక్గ్రౌండ్ స్కోర్, సినిమాటోగ్రఫీ.. ఇలా ప్రతి అంశం అద్భుతంగా ఉంది. దీంతో ఈ ‘విరాటపర్వం’ ఫస్ట్ గ్లింప్స్ను షేర్ చేస్తూ రానాకు పుట్టినరోజు శుభాకాంక్షలు తెలియజేశారు కొందరు సినీ నటులు. Also Read: తెలుగు, తమిళం, హిందీ.. ఇలా అన్ని భాషల్లో నటిస్తూ పాన్ ఇండియా స్టార్గా గుర్తింపు తెచ్చుకున్న ఈ దగ్గుబాటి హీరో.. నిర్మాతగా, టీవీ వ్యాఖ్యాతగా, విజువల్ ఎఫెక్ట్స్ కోఆర్డినేటర్గా, వ్యాపారవేత్తగా కూడా సత్తా చాటుతున్నారు. 35 ఏళ్లు వచ్చే వరకు బ్యాచ్లర్గా ఉన్న రానా.. ఈ ఏడాది ఆగస్టులో మిహీకా బజాజ్ను పెళ్లాడి ఓ ఇంటివాడు అయ్యారు. ఆ మధ్య అనారోగ్యానికి గురైన రానా.. దాని నుంచి పూర్తిగా కోలుకుని ప్రస్తుతం సినిమాలపై దృష్టి సారించారు. ‘విరాటపర్వం’ సినిమా ముగింపు దశలో ఉంది. మరోవైపు ‘అరణ్య’ సినిమా విడుదలకు సిద్ధంగా ఉంది. ట్విట్టర్ ద్వారా రానాకు విషెస్ చెప్పిన సినీ నటుల వివరాలు ఇవిగో..
from Telugu Movie News | Movie News in Telugu | Movie Gossips in Telugu https://ift.tt/3qTXugu
v
No comments:
Post a Comment