బిగ్ బాస్ విన్నర్‌పై సర్వత్రా ఉత్కంఠ.. ఆ కంటిస్టెంట్‌కు మద్దతుగా విజయ్ దేవరకొండ పోస్ట్.. ఇష్యూ వైరల్

బుల్లితెర భారీ పాపులర్ షో బిగ్ బాస్ చివరిదశకు చేరుకుంది. గత సీజన్లతో పోల్చితే మొదట కాస్త తక్కువ ప్రేక్షాదరణ చూరగొన్న ఈ షో ఆ తర్వాత మెల్లగా పుంజుకుంది. హోస్ట్ నాగార్జున ఇచ్చే ఇంట్రెస్టింగ్ టాస్కులు, పార్టిసిపెంట్స్ దూకుడుతో టీఆర్పీ పరంగా ఫర్వాలేదనిపించింది. అయితే ఈ వారంతో బిగ్ బాస్ ముగియనున్న నేపథ్యంలో అందరి కన్ను బిగ్ బాస్ విన్నర్‌పై పడింది. ఈ సీజన్ విన్నర్ ఎవరుకాబోతున్నారు అనే దానిపై సర్వత్రా ఉత్కంఠ నెలకొంది. సరిగ్గా ఈ తరుణంలో రౌడీ స్టార్ ఎంటరై పరోక్షంగా అభిజిత్‌కి మద్దతు తెలిపారు. టైటిల్ రేస్‌లో అఖిల్, అభిజీత్, సోహెల్, అరియానా, హారిక ఉన్నారు. దీంతో ఎక్కడ చూసినా ఈ ఐదుగురిలో ఎవరు విన్నర్, ఎవరు రన్నర్ అనే చర్చలే వినిపిస్తున్నాయి. ఈ క్రమంలో అభిజీత్‌కి మద్దతు పెరుగుతున్నట్లు తెలుస్తోంది. సామాన్య ప్రజలతో పాటు ఒక్కొక్కరుగా సెలబ్రిటీలంతా ఇతనికే సపోర్ట్ చేస్తుండటం గమనార్హం. ఇప్ప‌టికే నాగ‌బాబు, శ్రీకాంత్ లాంటి స్టార్స్ అభిజీత్‌కి మద్దతు తెలపగా తాజాగా రౌడీ స్టార్ విజయ్ దేవరకొండ అదే బాటలో వెళ్లారు. Also Read: అభిజిత్ కి పరోక్షంగా మద్దతు పలుకుతూ తన సోషల్ మీడియా ఖాతాలో పోస్ట్ పెట్టారు విజయ్ దేవరకొండ. లైఫ్‌ ఈజ్‌ బ్యూటిఫుల్‌ టీమ్‌తో కలిసి ఉన్న ఫోటోని షేర్‌ చేస్తూ ''మై బాయ్స్‌కి ఎల్లప్పుడూ వారికి శుభాకాంక్షలు అందుతూనే ఉంటాయి.. ఎక్కడైనా.. ఏదైనా'' అని పేర్కొన్నారు. ఈ ఫొటోలో విజయ్‌ దేవరకొండతో పాటు అభిజిత్ ఉండటంతో ఆయన మద్దతు అభిజిత్‌కే అర్థమైంది. మరోవైపు ఈ పోస్ట్ చూసిన అభిజిత్ టీమ్ ఫుల్ ఖుషీ అవుతూ విజయ్‌ దేవరకొండకు స్పెషల్ థాంక్స్ చెప్పారు. గతంలో ‘లైఫ్‌ ఈజ్‌ బ్యూటీఫుల్’ సినిమాలో అభిజిత్, విజయ్ దేవరకొండ కలసి నటించారు. ఇకపోతే ప్ర‌తి సీజ‌న్‌లాగే ఈ సీజ‌న్‌కి గ్రాండ్ ముగింపు ఇవ్వలని బిగ్ బాస్ నిర్వాహ‌కులు భావిస్తున్నారు. ఈ మేరకు ఇప్ప‌టి నుంచే ప్లాన్ రెడీ చేస్తున్నారట. ముఖ్యంగా ఫైనల్ ఎపిసోడ్ గెస్ట్ విషయంలో బిగ్ బాస్ టీమ్ తీవ్ర ఆలోచన చేస్తోందట. కాగా ఈ సీజన్ ఫైనల్‌లో సూపర్ స్టార్ మహేష్ బాబు సందడి చేయబోతున్నారని వార్తలు వస్తున్నాయి. సో.. చూడాలి మరి బిగ్ బాస్ ఫైనల్ రచ్చ ఏ రేంజ్‌లో ఉంటుందనేది.

from Telugu Movie News | Movie News in Telugu | Movie Gossips in Telugu https://ift.tt/3njKRcb
v