ఆస్కార్‌కు ఎంపికైన ‘జల్లికట్టు’.. అమితాబ్, దీపికా సినిమాలను వెనక్కునెట్టి రేసులోకి!

మలయాళ చిత్రం ‘జల్లికట్టు’ ఆస్కార్ రేసులో నిలిచింది. 93వ అకాడమీ అవార్డులకు ఉత్తమ విదేశీ చిత్రం విభాగంలో భారత్ నుంచి అధికారికంగా ఎంపికైంది. ఆస్కార్ ఎంట్రీ కోసం భారత్ నుంచి మొత్తం 27 సినిమాలు పోటీపడగా వాటిలో ‘జల్లికట్టు’ రేసులో నిలిచింది. అమితాబ్ బచ్చన్ ‘గులాబో సితాబో’, దీపికా పదుకొనె ‘ఛపాక్’ లాంటి సినిమాలను ‘జల్లికట్టు’ వెనక్కి నెట్టింది. ఆస్కార్స్ 2021 కోసం బెస్ట్ ఇంటర్నేషన్ ఫీచర్ ఫిలిం కేటగిరీలో భారత్ నుంచి ‘ది డిసిపిల్’, ‘శకుంతలా దేవి’, ‘శిఖర’, ‘గుంజన్ సక్సేనా’, ‘ఛపాక్’, ‘ఏకే వర్సస్ ఏకే’, ‘గులాబో సితాబో’, ‘భోంస్లే’, ‘ఛలాంగ్’, ‘ఈబ్ అల్లేయ్ ఊ!’, ‘చెక్ పోస్ట్’, ‘అట్కన్ చట్కన్’, ‘సీరియస్ మెన్’, ‘బుల్‌బుల్’, ‘కామ్యాబ్’, ‘ది స్కై ఈజ్ పింక్’, ‘చింటు కా బర్త్‌డే’, ‘బిట్టర్‌స్వీట్’ తదితర చిత్రాలు పోటీపడ్డాయి. అయితే, ఈ 27 సినిమాల్లో ‘జల్లికట్టు’నే ఆస్కార్‌కు ఎంపిక చేయడానికి గల కారణాలను ఫిల్మ్ ఫెడరేషన్ ఆఫ్ ఇండియా జ్యూరీ బోర్డు చైర్మన్ రాహుల్ రవియల్ వెల్లడించారు. సినిమా థీమ్, ప్రొడక్షన్ క్వాలిటీ, లిజో జోసే పెల్లిస్సెరీ దర్శకత్వం అద్భుతంగా ఉన్నాయని రాహుల్ ప్రశంసించారు. Also Read: ‘‘మనుషుల్లో మొరటు తనాన్ని నిజంగా ఆవిష్కరించిన సినిమా ఇది. మనం జంతువుల కన్నా అధ్వానంగా ఉన్నామని చెప్పే సినిమా. జంతువులకన్నా ఘోరంగా మనషులు ప్రవర్తిస్తున్నారు. ఈ విషయాన్ని ఈ సినిమాలో అద్భుతంగా చూపించారు. మనమంతా గర్వించదగిన సినిమా ఇది. కథ మాత్రమే కాదు సినిమాను కూడా చాలా బాగా చిత్రీకరించారు. సినిమాలోని భావోద్వేగాలు మనల్ని కదిలిస్తాయి. లిజో ఎంతో సమర్థత కలిగిన దర్శకుడు. ఇన్ని కారణాలు ఉన్నాయి కాబట్టే మేం ‘జల్లికట్టు’కు ఓటేశాం’’ అని రాహుల్ వెల్లడించారు. హరీష్ ఎస్ రచించిన ‘మావోయిస్ట్’ అనే షార్ట్ స్టోరీ ఆధారంగా ‘జల్లికట్టు’ కథను డెవలప్ చేశారు. ఆర్. జయకుమార్‌తో కలిసి హరీష్ ఈ సినిమా స్క్రీన్‌ప్లేను రచించారు. ఇదిలా ఉంటే, బెస్ట్ ఇంటర్నేషనల్ ఫీచర్ ఫిల్మ్ కేటగిరీలో భారత్ నుంచి ఒక మలయాళ సినిమా ఆస్కార్‌కు ఎంపిక కావడం ఇది మూడోసారి. 2011లో ‘అడమింటే మకన్ అబు’, 1997లో ‘గురు’ చిత్రాలు ఆస్కార్‌కు ఎంపికయ్యాయి. అయితే, అకాడమీ అవార్డ్స్ నామినేషన్స్ లిస్ట్‌లో ఈ చిత్రాలు స్థానం సంపాధించలేకపోయాయి. కాగా, ఈ మలయాళ సినిమాను తెలుగులోకి అనువాదం చేసి అందించింది ప్రముఖ ఓటీటీ ప్లాట్‌ఫాం ‘ఆహా’. ప్రస్తుతం ఈ సినిమా ‘ఆహా’లో అందుబాటులో ఉంది. Also Read:

from Telugu Movie News | Movie News in Telugu | Movie Gossips in Telugu https://ift.tt/3qaUs7g
v