ప్రకాష్ రాజ్ రాకతో అందరిలో ఉత్సాహం.. ‘క్లాప్’ చివరి షెడ్యూల్ షురూ

ఆది పినిశెట్టి, ఆకాంక్ష సింగ్ జంట‌గా శ‌ర్వంత్ రామ్ క్రియేష‌న్స్‌, శ్రీ షిర్డీసాయి మూవీస్ ప‌తాకాల‌పై రామాంజ‌నేయులు జ‌వ్వాజి, ఎం. రాజ‌శేఖ‌ర్ రెడ్డి సంయుక్తంగా నిర్మిస్తున్న చిత్రం ‘క్లాప్‌’. బిగ్ ప్రింట్ పిక్చర్స్ అధినేత ఐ.బి. కార్తికేయ‌న్ స‌మ‌ర్పిస్తున్నారు. పృథివి ఆదిత్య ఈ చిత్రానికి ద‌ర్శకుడు. స్పోర్ట్స్ బ్యాక్‌డ్రాప్‌లో ఎంట‌ర్‌టైన‌ర్‌గా రూపుదిద్దుకుంటోన్న ‘క్లాప్’‌ షూటింగ్ ముగింపు ద‌శ‌లో ఉంది. లాక్‌డౌన్ త‌ర్వాత బుధ‌వారం చెన్నైలో షూటింగ్ పున‌రుద్ధరించారు. ప్రస్తుతం చివ‌రి షెడ్యూల్ నిర్వహిస్తున్నారు. హీరో ఆది పినిశెట్టి, కీల‌క పాత్రధారి ప్రకాష్ రాజ్‌, ఇత‌ర‌ ప్రధాన తారాగ‌ణంపై స‌న్నివేశాల‌ను చిత్రీక‌రిస్తున్నారు. బుధవారం షూటింగ్‌లో పాల్గొనడంతో యూనిట్ మొత్తం చాలా యాక్టివ్‌గా షెడ్యూల్‌ను ప్రారంభించింది. షూటింగ్‌లో పాల్గొన్న చిన్న పిల్లలతో ప్రకాష్ సరదాగా ముచ్చటించారు. Also Read: ఇప్పటివ‌ర‌కు ఊహించిన దానికి మించి స‌న్నివేశాలు చాలా బాగా వ‌చ్చాయనీ, చెన్నైలోని ఓ భారీ స్టేడియంలో క‌థ‌కు కీల‌క‌మైన స్పోర్ట్స్ బేస్డ్ స‌న్నివేశాల‌ను చిత్రీక‌రిస్తున్నామ‌నీ నిర్మాత‌లు తెలిపారు. షూటింగ్ అవ‌గానే, పోస్ట్ ప్రొడ‌క్షన్ ప‌నులు జ‌రిపి, త్వర‌లో చిత్రాన్ని ప్రేక్షకుల ముందుకు తీసుకువ‌స్తామ‌న్నారు. కాగా, ఈ చిత్రంలో కృష్ణ కురుప్‌, నాజ‌ర్‌, రాందాస్‌, బ్రహ్మాజీ ఇతర ముఖ్య పాత్రలు పోషిస్తున్నారు. మేస్ట్రో ఇళయరాజా సంగీతం సమకూరుస్తున్నారు. ప్రవీణ్ కుమార్ సినిమాటోగ్రఫీ అందిస్తున్నారు. రాగుల్ ఎడిటర్. వైరబాలన్, ఎస్. హరిబాబు ఆర్ట్ డైరెక్టర్లు. ఆర్. శక్తి శరవణన్ ఫైట్స్ కంపోజ్ చేస్తున్నారు. దినేష్ మాస్టర్ కొరియోగ్రాఫర్.

from Telugu Movie News | Movie News in Telugu | Movie Gossips in Telugu https://ift.tt/3nRYcsj
v