తమిళ హాస్యనటుడు తావసి క్యాన్సర్ మహమ్మారితో పోరాడుతున్నారు. ప్రస్తుతం ఆయన మదురైలోని శరవణ హాస్పిటల్లో చికిత్స పొందుతున్నారు. గత కొంతకాలంగా క్యాన్సర్కు చికిత్స తీసుకుంటున్న తావసి బాగా బక్కచిక్కిపోయారు. అస్సలు గుర్తుపట్టలేని విధంగా ఆయన మారిపోయారు. క్యాన్సర్ బారిన పడటం వల్ల తాను ఆర్థికంగా చితికిపోయానని, దయచేసి తన చికిత్సకు ఆర్థిక సహాయం అందించాలని తావసి కోరుతున్న వీడియో ఒకటి ప్రస్తుతం సోషల్ మీడియాలో వైరల్గా మారింది. అంతేకాదు, చాలా మంది తావసి ఆరోగ్య పరిస్థితిపై సోషల్ మీడియాలో పోస్టులు పెడుతున్నారు. డీఎంకే ఎంఎల్ఏ డాక్టర్ శరవణన్ కూడా ఫేస్బుక్ ద్వారా తావసి ఆరోగ్య పరిస్థితిని వివరించారు. నవంబర్ 11 నుంచి తావసి ఆరోగ్య పరిస్థితి ఆందోళనకరంగా మారిందని అన్నారు. సూర్య ఛారిటబుల్ ట్రస్ట్ ద్వారా తావసి చికిత్సకు నిధులు అందాయన్నారు. అయితే, తావసిని అతని కుటుంబాన్ని ఆర్థికంగా ఆదుకోవడానికి ప్రజలు ముందుకు రావాలని శరవణన్ పిలుపునిచ్చారు. తావసి సుమారు 140 సినిమాల్లో హాస్యనటుడిగా కనిపించారు. 1993లో వచ్చిన భారతీరాజా చిత్రం ‘కిళక్కు చీమయిలే’ నుంచి రజినీకాంత్ రాబోయే సినిమా ‘అన్నాతే’ వరకు ఎన్నో సూపర్ హిట్ సినిమాల్లో తావసి నటించారు. శివకార్తికేయన్ హిట్ మూవీస్లోనూ తావసి కీలక పాత్రలు పోషించారు. తన నటనతో తమిళ ప్రేక్షకులను మెప్పించారు. కాగా, తావసిని ఆదుకోవడానికి తమిళ సినిమా ఇండస్ట్రీ ముందుకు రావాలని డాక్టర్ శరవణన్ కోరారు. అయితే, తావసి ఆరోగ్య పరిస్థితి గురించి తెలుసుకున్న హీరో శివకార్తికేయన్ ఆయనకి సహాయం చేశారు. అలాగే, విజయ్ సేతుపతి కూడా ముందుకొచ్చారు. తావసితో విజయ్ సేతుపతి ఫోన్లో మాట్లాడారు. మరోవైపు, వైరల్ అవుతున్న వీడియోలో తావసి మాట్లాడుతూ.. ‘‘నేను 30 ఏళ్లుగా సినీ పరిశ్రమలో ఉన్నాను. ఇలాంటి వ్యాధి ఒకటి నాకు సోకుతుందని నేను ఎప్పుడూ అనుకోలేదు. దేవుడు నాకు పెట్టిన విషమ పరీక్ష ఇది. చికిత్స కోసం దయచేసి నాకు ఆర్థిక సహాయం చేయండి’’ అని వేడుకున్నారు. Also Read:
from Telugu Movie News | Movie News in Telugu | Movie Gossips in Telugu https://ift.tt/32V4csi
v
No comments:
Post a Comment