మెగాస్టార్ కథానాయకుడిగా సక్సెస్ఫుల్ డైరెక్టర్ కొరటాల శివ దర్శకత్వంలో రూపొందుతోన్న భారీ చిత్రం ‘ఆచార్య’. ఇది చిరంజీవి 152వ చిత్రం. శ్రీమతి సురేఖ కొణిదెల సమర్పణలో రామ్ చరణ్ కొణిదెల ప్రొడక్షన్ కంపెనీ, మ్యాట్నీ ఎంటర్టైన్మెంట్ నిరంజన్ రెడ్డి ఈ చిత్రాన్ని నిర్మిస్తున్నారు. కొవిడ్ నేపథ్యంలో ఈ సినిమా షూటింగ్ ఆగిన విషయం తెలిసిందే. ఇప్పుడు తగు జాగ్రత్తలు తీసుకుంటూ సినిమా చిత్రీకరణను పునఃప్రారంభించడానికి చిత్రయూనిట్ సిద్ధమైంది. నవంబర్ 9 నుండి ‘ఆచార్య’ షూటింగ్ ప్రారంభం కానుంది. ఈ లాంగ్ షెడ్యూల్లో సినిమాకు సంబంధించిన మేజర్ పార్ట్ పూర్తవుతుంది. కొవిడ్ నేపథ్యంలో ఎలాంటి అడ్డంకులు లేకుండా ప్రశాంతంగా షూటింగ్ను పూర్తి చేయడానికి అవసరమైన జాగ్రత్తలను కొరటాల శివ బృందం తీసుకుంది. మెగా భిమానులు ఎంతో ఆసక్తిగా ఎదురుచూస్తున్న ఈ క్రేజీ కాంబినేషన్పై భారీ అంచనాలు నెలకొన్నాయి. అంచనాలకు తగినట్లుగానే చిరంజీవి పుట్టినరోజు సందర్భంగా విడుదల చేసిన మోషన్ పోస్టర్కు ట్రెమెండస్ రెస్పాన్స్ వచ్చింది. ఈ చిత్రానికి తిరు సినిమాటోగ్రఫీ అందిస్తుండగా, సురేశ్ సెల్వరాజన్ ప్రొడక్షన్ డిజైనర్గా వ్యవహరిస్తున్నారు. మణిశర్మ సంగీతం సమకూరుస్తున్నారు. చిరంజీవి సరసన కాజల్ అగర్వాల్ హీరోయిన్గా నటిస్తున్నారు. Also Read:
from Telugu Movie News | Movie News in Telugu | Movie Gossips in Telugu https://ift.tt/389ezfm
v
No comments:
Post a Comment