బాలీవుడ్ పాపులర్ సింగర్ సోనా మొహపాత్ర మనసులో అనుకున్నది అస్సలు సిగ్గుపడకుండా, మొహమాటం లేకుండా బయటికి మాట్లాడేస్తుంటారు. ‘మీటూ’ ఉద్యమం సమయంలో ఆమె చేసిన సంచలన వ్యాఖ్యలు అప్పట్లో హాట్ టాపిక్ అయ్యాయి. తాజాగా మరోసారి సోషల్ మీడియా వేదికగా ఈ 44 ఏళ్ల గాయని చేసిన వ్యాఖ్యలు చర్చనీయాంశం అయ్యాయి. తాను బీటెక్ చదుతున్నప్పుడు కాలేజీలో ఈవ్-టీజింగ్కు, లైంగిక వేధింపులకు తాను ఎలా బాధితురాలిని అయ్యిందో ట్విట్టర్ వేదికగా సోనా వెల్లడించారు. నిందలకు తాను బాధితురాలిని ఎలా అయ్యానో వివరిస్తూ తనకు ఎదురైన అనుభవాన్ని #INeverAskForIt మూమెంట్లో భాగంగా సోనా సోషల్ మీడియా ద్వారా వివరించారు. ‘‘బీటెక్ ఇంజినీరింగ్ చదువుతున్నప్పుడు ఓ రోజు వదులుగా ఉన్న ఖడి గ్రీన్ కుర్తా సల్వార్ వేసుకుని మైక్రోప్రాసెసర్ ల్యాబ్ వైపు నడుచుకుంటూ వెళ్తున్నాను. సీనియర్లు నన్ను చూసి విజిల్ వేశారు. నీ బ్రా సైజ్ ఎంత అని గట్టిగా అరిచారు. ఒక ‘శ్రేయోభిలాషి’ నా దగ్గరకు వచ్చి నేను నా వక్షోజాలను పూర్తిగా కప్పుకునేలా దుపట్టా ఎందుకు వేసుకోలేదు అని అడిగాడు’’ అని ట్వీట్లో సోనా పేర్కొన్నారు. తనలాగే ఎవరెవరు ఇలాంటి వేధింపులకు గురయ్యారో స్పందించాలని మరో ట్వీట్లో కోరారు సోనా. అంతేకాడు, బాలీవుడ్ నటి సోనమ్ కపూర్, గాయని చిన్మయి శ్రీపాదలతో పాటు మరికొంత మంది సెలబ్రిటీలను సోనా తన ట్వీట్లో ట్యాగ్ చేశారు. అయితే, సోనా ట్వీట్కు స్పందించిన నెటిజన్లు ఆమెను ట్రోల్ చేయడం మొదలుపెట్టారు. పబ్లిసిటీ కోసం సోనా ఎంతకైనా దిగజారుతుంది అంటూ నిందించారు. Also Read: ఓ నెటిజన్ అయితే ఒకడుగు ముందుకేసి.. ‘‘మీకంత ఇబ్బందిగా ఉన్నప్పుడు ఎద అందాలను చూపిస్తూ హాట్ ఫోటోషూట్స్ ఎందుకు చేస్తున్నారు. ఈ డ్రామాలు చేసే బదులు పాటలు పాడటం మీద శ్రద్ధ పెడితే మీరు ఇంకా గొప్ప గాయని అవుతారు. మీ ఫొటోలన్నింటిలో క్లీవేజ్ షో స్పష్టంగా కనిపిస్తోంది’’ అని కామెంట్ చేశాడు. ఈ ట్వీట్కు సోనా తనదైన శైలిలో రిప్లై ఇచ్చారు. ‘‘నా శరీరం, నా క్లీవేజ్ నా ఇష్టం. మీరెవరు అడగడానికి మిస్టర్ జే. నా ఇష్టమొచ్చినట్టు నేను చేస్తాను’’ అని ఘాటుగా స్పందించారు సోనా.
from Telugu Movie News | Movie News in Telugu | Movie Gossips in Telugu https://ift.tt/2KCpmVL
v
No comments:
Post a Comment