RRR: హిందీలో ఆమిర్ ఖాన్.. తెలుగులో చిరంజీవి.. రాజమౌళి మాస్టర్ ప్లాన్!

పాన్ ఇండియా మూవీగా భారీ ఎత్తున నిర్మితమవుతోన్న RRRపై అంచనాలు రోజురోజుకీ పెరుగుతూనే ఉన్నాయి. ‘బాహుబలి’ లాంటి అంతర్జాతీయ స్థాయి సినిమా తరవాత దర్శకధీరుడు ఎస్.ఎస్. రాజమౌళి నుంచి వస్తోన్న మరో భారీ చిత్రం కావడంతో సాధారణంగానే RRRపై అంచనాలు తారా స్థాయిలో ఉంటాయి. అయితే, ఈ అంచనాలను మరింత పెంచడానికి.. సినిమాను మరింత భారీ తననాన్ని తీసుకురావడానికి రాజమౌళి ప్రయత్నిస్తూనే ఉన్నారు. ఈ ప్రయత్నంలో భాగంగా ఆయనొక మాస్టర్ ప్లాన్ వేసినట్టు ఇండస్ట్రీ వర్గాలు గుసగుసలాడుకుంటున్నాయి. ఒక స్టార్ హీరో సినిమాకు మరో స్టార్ హీరో వాయిస్ ఓవర్ ఇవ్వడం టాలీవుడ్‌లో ఎప్పటి నుంచో ఉంది. మొన్నామధ్య ‘సైరా నరసింహారెడ్డి’లో హీరో పాత్రను పవర్ స్టార్ పవన్ కళ్యాణ్ తన గాత్రంతో పరిచయం చేశారు. సినిమాకు ఇది అదనపు ఆకర్షణ. ఇలాంటి ఆకర్షణనే RRR సినిమాకు తీసుకొచ్చేందుకు రాజమౌళి ప్లాన్ చేశారట. దీనిలో భాగంగా హిందీలో ఆమిర్ ఖాన్‌తో తెలుగులో చిరంజీవితో వాయిస్ ఓవర్ చెప్పించబోతున్నారని వదంతులు వినిపిస్తున్నాయి. Also Read: అల్లూరి సీతారామరాజు, కొమురం భీమ్ పాత్రలను పరిచయం చేయడానికి తెలుగులో మెగాస్టార్ వాయిస్‌ను వాడుకుంటున్నారట రాజమౌళి. దీనికి చిరంజీవి కూడా గ్రీన్ సిగ్నల్ ఇచ్చారని అంటున్నారు. హిందీలో సైతం ఎన్టీఆర్, రామ్ చరణ్ పోషించిన పాత్రలను పరిచయం చేయడానికి ఆమిర్ ఖాన్ అంగీకరించారని రూమర్స్. అంతేకాదు.. తమిళం, మలయాళం, కన్నడ భాషల్లోనూ స్టార్ హీరోలతో వాయిస్ ఓవర్ చెప్పించనున్నారట. అయితే, ఎవరితో చెప్పిస్తారో ఇంకా ఖరారు కాలేదని అంటున్నారు. ఈ వదంతుల్లో నిజమెంతో తెలీదు కానీ చిరంజీవి, ఆమిర్ ఖాన్ వాయిస్ ఓవర్ ఇస్తే అది కచ్చితంగా RRRకు అదనపు ఆకర్షణ అవుతుంది. కాగా, RRR చిత్రం ప్రస్తుతం హైదరాబాద్‌లో చిత్రీకరణ జరుపుకుంటోంది. సినిమాకు కీలకమైన సన్నివేశాలను ఇప్పుడు చిత్రీకరిస్తున్నారు. ఈ షెడ్యూల్‌లో ఇంగ్లిష్ నటీనటులు అలిసన్ డూడీ, రే స్టీవెన్‌సన్ కూడా పాల్గొంటున్నట్టు సమాచారం. వీరిద్దరూ బ్రిటిష్ దంపతులుగా సినిమాలో కనిపించనున్నారు. ఇక ఒలీవియా మోరిస్, ఆలియా భట్ షూటింగ్‌లో పాల్గొనాల్సి ఉంది. త్వరలోనే వీరు కూడా షూట్‌లో జాయిన్ అవుతారని సమాచారం. అజయ్ దేవగణ్, శ్రియ, సముద్రఖని ముఖ్య పాత్రలు పోషిస్తోన్న ఈ చిత్రాన్ని డీవీవీ ఎంటర్‌టైన్మెంట్స్ బ్యానర్‌పై డీవీవీ దానయ్య నిర్మిస్తున్నారు. యం.యం. కీరవాణి సంగీతం సమకూరుస్తున్నారు.

from Telugu Movie News | Movie News in Telugu | Movie Gossips in Telugu https://ift.tt/39cLHna
v