ఊర్వశి రౌతెలా వేసుకున్న డ్రెస్ రూ.37 కోట్లా.. వామ్మో!

బాలీవుడ్ నటి ఫ్యాషన్‌కు పెట్టింది పేరు. ఆమె ధరించే దుస్తులే ఈ విషయాన్ని స్పష్టం చేస్తాయి. మోడలింగ్ నుంచి సినీ ఇండస్ట్రీలోకి అడుగుపెట్టిన ఊర్వశి.. సినిమా ఫంక్షన్లు, ఫ్యాషన్ షోలలో వైవిధ్యమైన దుస్తుల్లో మెరుస్తుంటారు. ఈ ఏడాది ఫిల్మ్‌ఫేర్ అవార్డుల వేడుకలో ఆమె ధరించిన స్కై రెడ్ గౌన్ ప్రతి ఒక్కరినీ ఆకర్షించింది. ఇదొక్కటేనా గతంలో ఆమె ధరించిన ఎన్నో డ్రెస్సులు ప్రత్యేక ఆకర్షణగా నిలిచాయి. ఇదిలా ఉంటే, ఊర్వశి రౌతెలా మరోసారి తాను ధరించిన డ్రెస్‌తో వార్తల్లో నిలిచారు. ప్రపంచంలోనే అత్యంత అందమైన మహిళగా పేరొందిన ఈజిప్ట్ మహారాణి క్లియోపాత్రలా ఊర్వశి రౌతెలా సిద్ధమయ్యారు. అయితే, ఊర్వశి సాదాసీదాగా సిద్ధమవ్వలేదు. 5 మిలియన్ డాలర్ల (సుమారు రూ.37 కోట్ల) విలువైన దుస్తులు ధరించి సిద్ధమయ్యారు. ఆమె ధరించిన కాస్ట్యూమ్‌ను బంగారంతో తయారు చేయడం విశేషం. అత్యంత ఖరీదైన ఈ దుస్తుల్లో అరబ్ ఫ్యాషన్ వీక్‌లో ఊర్వశి దర్శనమిచ్చారు. అంతేకాదు, అరబ్ ఫ్యాషన్ వీక్‌ షోలో టాపర్‌గా నిలిచిన తొలి ఇండియన్‌గా ఊర్వశి నిలిచారు. అలాగే, ఈ డ్రెస్‌లోనే ఊర్వశిపై ఒక షార్ట్ ఫిల్మ్‌ను కూడా చిత్రీకరించారు. ఈ అత్యంత ఖరీదైన బంగారు దుస్తుల్లో ఊర్వశి ఎలా మెరిసిపోతున్నారో కింది వీడియోల్లో చూడొచ్చు. ఊర్వశి రౌతెలా గతంలో నేహా కక్కర్ వివాహ వేడుకలో రూ.55 లక్షల విలువైన లెహెంగా ధరించారు. ఆ లెహెంగాలో ఆమె చాలా అందంగా కనిపించి అందరి మనసులు కొల్లగొట్టారు. ఇప్పుడు రూ.37 కోట్ల విలువైన దుస్తులు ధరించి అందరినీ ఆశ్చర్యానికి గురిచేశారు. ఇదిలా ఉంటే, ఊర్వశి ప్రస్తుతం ‘బ్లాక్ రోజ్’ అనే హిందీ, తెలుగు ద్విభాషా చిత్రంలో నటిస్తున్నారు. Also Read:

from Telugu Movie News | Movie News in Telugu | Movie Gossips in Telugu https://ift.tt/2I4YVHh
v