గత కొద్దిరోజులుగా భారీ వర్షాలతో హైదరాబాద్ నగరం అతలాకుతలమవుతున్న సంగతి తెలిసిందే. దాదాపు నగరం లోని అన్ని కాలనీల్లో నీళ్లు నిలిచి జల దిగ్బంధంగా మారింది పరిస్థితి. దీంతో నగర వాసులు అనేక ఇబ్బందులు ఎదుర్కొంటున్నారు. కొన్ని చోట్ల అయితే ఇంటి నుంచి కాలు బయటపెట్టలేనంతగా నీళ్లు నిండాయి. నీటిలో చిక్కుకున్న వారికి పడవల ద్వారా సహాయక చర్యలు చేపడుతూ నిత్యవసర సరుకులు పంపిణీ చేస్తున్న దృశ్యాలు చూస్తూనే ఉన్నాం. ఈ నేపథ్యంలో తన ఇంటి వద్ద దృశ్యాలు, అక్కడి వాతావరణం గురించి తెలుపుతూ సెటైరికల్ కామెంట్స్ చేశారు సినీ నటుడు . తన ఇంట్లోకి నీళ్లు చేరిన ఫొటోలను షేర్ చేస్తూ ''ఇది మా ఇంటి పరిస్థితి.. ఓ మోటరు బోటు కొనాలనుకుంటున్నా.. దయచేసి ఏదైనా మంచి పడవ గురించి సలహా ఇవ్వండి'' అని అడిగాడు. దీంతో ఈ మెసేజ్ చూసిన నెటిజన్లు చిర్రెత్తిపోయి బ్రహ్మాజీపై ట్రోలింగ్కి దిగారు. హైదరాబాద్ వరద పరిస్థితులు, కష్టాల గురించి నీ లాంటి సెలెబ్రిటీలు జోకులు వేయడం, సెటైరికల్ కామెంట్స్ చేయడం సరికాదంటూ ఫైర్ అవుతున్నారు. కోటి ఆశలతో హైదరాబాద్ వచ్చి ఉంటావ్. కోట్ల రూపాయలు సంపాదించావ్. కోతి పనులు చేసి ఇజ్జత్ తీసుకోకు.. బతుకునిచ్చిన భాగ్యనగరం బాధలో ఉన్నప్పుడు కొంచెం బాధ్యతగా మాట్లాడటం మంచిదంటూ బ్రహ్మాజీపై ఓ రేంజ్లో ఫైర్ అవుతున్నారు. చెన్నై లాంటి ప్రాంతాల్లో వరదలు వస్తే ఫండ్స్ వసూలు చేసి ఆదుకుంటారు.. అదే తెలంగాణలో అలాంటి ఆపద ఎదురైతే చిల్లర పోస్టులు పెడుతారా? అంటూ భగ్గుమంటున్నారు. దీంతో జనాల్లో ఈ ఇష్యూ హాట్ టాపిక్ అయ్యింది. Also Read: తెలుగులో పలు సినిమాల్లో నటించి విలక్షణ పాత్రలతో మెప్పించాడు బ్రహ్మాజీ. పాత్ర ఏదైనా ఇట్టే ఒదిగిపోయే ఆయన ప్రస్తుతం బెల్లంకొండ సాయి శ్రీనివాస్ హీరోగా వస్తున్న 'అల్లుడు అదుర్స్' సినిమాలో నటిస్తున్నాడు. సంతోష్ శ్రీనివాస్ దర్శకత్వం వహిస్తున్న ఈ సినిమా అతిత్వరలో ప్రేక్షకుల ముందుకు రానుంది.
from Telugu Movie News | Movie News in Telugu | Movie Gossips in Telugu https://ift.tt/2H4XKqZ
v
No comments:
Post a Comment