ఒక భాషలో పాపులారిటీ సంపాదించిన హీరోలు మరో భాషలో నటించడం పరిపాటే. కోలీవుడ్లో ప్రతిభావంతులైన నటులుగా గుర్తింపు తెచ్చుకున్న యంగ్ హీరోలు తెలుగులోనూ నటిస్తున్నారు. అలాగే విజయ్ దేవరకొండ, సందీప్ కిషన్, ఆది పినిశెట్టి వంటి తెలుగు హీరోలు తమిళంలోనూ నేరుగా సినిమాలు చేశారు. ప్రస్తుతం తమిళంలో మంచి గుర్తింపు తెచ్చుకున్న యంగ్ హీరో అశోక్ సెల్వన్ టాలీవుడ్కు పరిచయమవుతున్నారు. అశోక్ సెల్వన్, నిత్యామీనన్, రీతూవర్మ హీరో హీరోయిన్లుగా రూపొందుతోన్న చిత్రం ‘నిన్నిలా నిన్నిలా’. బాపినీడు.బి సమర్పణలో శ్రీ వెంకటేశ్వర సినీ చిత్ర ఎల్ఎల్పీ బ్యానర్పై బీవీఎస్ఎన్ ప్రసాద్ ఈ చిత్రాన్ని నిర్మిస్తున్నారు. అని.ఐ.వి.శశి దర్శకత్వం వహిస్తున్నారు. ఈ సినిమా టైటిల్, ఫస్ట్ లుక్ పోస్టర్ను సోమవారం విడుదల చేశారు. చిత్రీకరణ పూర్తి చేసుకున్న ఈ చిత్రం ప్రస్తుతం పోస్ట్ ప్రొడక్షన్ కార్యక్రమాలను జరుపుకుంటోంది. త్వరలోనే సినిమా రిలీజ్ డేట్ను అనౌన్స్ చేస్తామని నిర్మాతలు తెలిపారు. Also Read: కాగా, ‘నిన్నిలా నిన్నిలా’ ఫస్ట్ లుక్ను హీరో అశోక్ సెల్వన్ ట్విట్టర్ ద్వారా షేర్ చేశారు. ‘‘లేడీస్ అండ్ జెంట్స్, పళ్లెంలో ప్రేమను మీకు అందిస్తున్నాం. అందే ‘నిన్నిలా నిన్నిలా’. మనసుకు హత్తుకునే అందమైన సినిమా. నా తెలుగు పరిచయ చిత్రం. అద్భుతమైన తారాగణం, సాంకేతిక బృందంతో ఈ సినిమా చేశాం’’ అని ట్వీట్లో పేర్కొన్నారు. అశోక్ సెల్వన్ చెప్పినట్టుగానే ఫస్ట్ లుక్ పోస్టర్లో , అశోక్ సెల్వన్, రీతు వర్మ తలలు కిచెన్లో ప్లేట్లలో ఉన్నాయి. ముగ్గురూ వేరు వేరు హావభావాలు ప్రదర్శిస్తున్నారు. ప్లేట్ల పక్కన నూడిల్స్, రొట్టె ముక్కలు, ఇతర ఆహార పదార్థాలు ఉన్నాయి. ఈ సినిమాలో అశోక్ సెల్వన్ భారీకాయుడైన షెఫ్గా కనిపించనున్నారని సమాచారం. ఈ పాత్ర కోసం ఆయన బాగా బరువు కూడా పెరిగారని అంటున్నారు. ఈ సినిమా కథ యూకేలో సాగుతుందట. ఈ సినిమాలో నిత్యా మీనన్ ఒక పాట కూడా పాడారు. ఈ విషయాన్ని ఆమె ఇటీవల ఓ ఇంటర్వ్యూలో వెల్లడించారు. ఈ చిత్రానికి రమేష్ మురుగేశన్ సంగీతం సమకూరుస్తున్నారు. పాటలు శ్రీమణి రాశారు.
from Telugu Movie News | Movie News in Telugu | Movie Gossips in Telugu https://ift.tt/3lW6A8Y
v
No comments:
Post a Comment