ఇండియాలో ప్రముఖ ఆటో టెక్ కంపెనీ అయిన కార్దేఖోకు సూపర్ స్టార్ బ్రాండ్ అంబాసిడర్గా నియమితులయ్యారు. మహేష్ బాబు ప్రచార కర్తగా కొత్త కమర్షియల్ యాడ్ను కార్దేఖో సంస్థ సోమవారం విడుదల చేసింది. ‘కరో ఇండియా ఫార్వాడ్, కరో గాడి ఫార్వాడ్’ నినాదంతో ఈ సరికొత్త టీవీ క్యాంపెయిన్ను కార్దేఖో రూపొందించింది. ప్రస్తుతం దేశంలో ప్రతి ఒక్కరూ కరోనాతో పోరాడుతున్నారు. ఇలాంటి పరిస్థితుల్లో వినియోగదారుల వద్దకే వెళ్లి సేవలు అందించేందుకు కార్దేఖో సిద్ధమైంది. ఇదే విషయాన్ని తమ క్యాంపెయిన్లో స్పష్టం చేసింది. కారు అమ్మాలనుకున్న వినియోగదారుడు కార్దేఖో గాడి మొబైల్ యాప్ ద్వారా హోం ఇన్స్పెక్షన్ను బుక్ చేసుకోవచ్చు. కార్దేఖో నుంచి ఒక ప్రొఫెషనల్ వినియోగదారుడి ఇంటికి వచ్చి కారును పరీక్షించి సర్టిఫై చేస్తాడు. దీంతో మంచి ధరకు ఇంటి వద్దే వినియోగదారుడు కారును విక్రయించొచ్చు. అంతేకాదు, ఆర్సీ ట్రాన్స్ఫర్ను కూడా ఉచితంగానే అందిస్తోంది కార్దేఖో. ఇవే విషయాలను మహేష్ బాబుతో రూపొందించిన టీవీ క్యాంపెయిన్లో హైలైట్ చేశారు. Also Read: మహేష్ బాబుకు తెలుగు రాష్ట్రాల్లో ఉన్న క్రేజ్, ఫాలోయింగ్ గురించి కొత్తగా చెప్పాల్సిన అవసరం లేదు. ఈ ఇమేజ్ తమ సంస్థ కొత్త క్యాంపెయిన్కు ఎంతగానో ఉపయోగపడుతుందని కార్దేఖో భావిస్తోంది. పైలట్ ఉద్యోగం చేస్తోన్న ఒక అన్నయ్య ప్రస్తుత కరోనా పరిస్థితుల్లో తన చెల్లెలు చిన్న పిల్లలకు ఆన్లైన్ పాఠాలు చెప్పడానికి ఎలా సహాయం చేశాడు అనే విషయాన్ని టీవీసీలో హైలైట్ చేశారు. అన్నయ్య పాత్ర పోషించిన మహేష్ బాబు కార్దేఖో హోం ఇన్స్పెక్షన్ ద్వారా తన కారును అమ్మి ఆ డబ్బుతో తన చెల్లెలి చిన్నారి విద్యార్థులకు లాప్టాప్లు కొనిస్తాడు. కార్దేఖోతో అసోసియేషన్ గురించి మహేష్ బాబు మాట్లాడుతూ.. ‘‘ఆధునిక భారతదేశాన్ని నిర్మించడంలో స్టార్టప్స్ కీలక పాత్ర పోషిస్తాయి. కార్దేఖో గాడి తమ బిజినెస్, ఆఫర్స్తో ఇండియాను ముందుకు తీసుకెళ్తుంది అనడంలో సందేహం లేదు. ఈ సంస్థపై నాకు నమ్మకం ఉంది. కార్దేఖోతో కలిసి పనిచేస్తుండటం చాలా సంతోషంగా ఉంది. ఈ కలయిక విజయవంతంగా కొనసాగాలని కోరుకుంటున్నాను’’ అని అన్నారు.
from Telugu Movie News | Movie News in Telugu | Movie Gossips in Telugu https://ift.tt/34aE9Ox
v
No comments:
Post a Comment