మెగా డాటర్ ఫొటోలు ప్రస్తుతం సోషల్ మీడియాలో వైరల్గా మారాయి. ఈ ఫొటోల్లో ఆమె తన కాబోయే భర్త చైతన్య జొన్నలగడ్డతో కలిసి ఉన్నారు. అది కూడా జిమ్ బయట వర్కౌట్ డ్రెస్లో..! లేత గులాబీ రంగు స్లీవ్లెస్ టీషర్ట్, బ్లాక్ షార్ట్స్లో నిహారిక మెరిసిపోతున్నారు. జిమ్లో కాబోయే భర్తతో కలిసి వర్కౌట్స్ చేసిన నిహారిక.. ఇంటికి వెళ్తు కెమెరా కన్నుకు చిక్కారు. ఎప్పుడూ లావణ్య త్రిపాఠితో కలిసి జిమ్ వద్ద కనిపించే నిహారిక.. ఈరోజు మాత్రం చైతన్యతో కనిపించారు. చిరునవ్వులు చిందిస్తూ కనిపించారు. గుంటూరు రేంజ్ ఐజీ ప్రభాకర్ రావు కుమారుడు జొన్నలగడ్డ వెంకట చైతన్యతో నిహారిక నిశ్చితార్థం ఆగస్టు 13న జరిగిన సంగతి తెలిసిందే. కొవిడ్-19 నిబంధనలు అమలులో ఉండటంతో కేవలం కొద్దిమంది కుటుంబ సభ్యుల నడుమ ఈ నిశ్చితార్థ వేడుక జరిగింది. పవన్ కళ్యాణ్ మినహా మెగా హీరోలంతా ఈ వేడుకకు హాజరయ్యారు. చిరంజీవి, రామ్ చరణ్, వరుణ్ తేజ్, సాయి ధరమ్ తేజ్, వైష్ణవ్ తేజ్, కళ్యాణ్ దేవ్, అల్లు అర్జున్, ఉపాసన, సురేఖ, శ్రీజ, సుస్మిత తదితరులు ఈ మెగా వేడుకలో సందడి చేశారు. Also Read: నిశ్చితార్థ వేడుకను సింపుల్గా జరిపిన మెగా ఫ్యామిలీ పెళ్లి మాత్రం ధూంధాంగా చేసుందుకు ప్లాన్ చేస్తుంది. అందుకే, ఈ కరోనా భయానక పరిస్థితులు పూర్తిగా మారిన తరవాత పెళ్లి నిర్వహించాలని చూస్తోంది. వచ్చే ఏడాది ఫిబ్రవరిలో నిహారిక, చైతన్య పెళ్లి ఉండొచ్చని రూమర్స్ వినిపిస్తున్నాయి. ఇక నిహారిక సినిమాల విషయానికి వస్తే.. ఆమె ప్రస్తుతం ఏ తెలుగు సినిమాను అంగీకరించలేదు. తమిళంలో అశోక్ సెల్వన్తో కలిసి నటించడానికి అంగీకరించినా పెళ్లి కారణంగా ఆ ప్రాజెక్ట్ నుంచి తప్పుకున్నట్టు సమాచారం. నిహారిక చివరిగా ‘సైరా నరసింహారెడ్డి’ సినిమాలో కనిపించారు.
from Telugu Movie News | Movie News in Telugu | Movie Gossips in Telugu https://ift.tt/36xksSZ
v
No comments:
Post a Comment