పవర్ స్టార్ మళ్లీ ముఖానికి మేకప్ వేసుకోబోతున్నారు. ఆయన మళ్లీ ‘వకీల్ సాబ్’ షూటింగ్లో పాల్గొనబోతున్నారు. ఈ మేరకు ఆయన కాల్షీట్లు కూడా ఇచ్చినట్టు సమాచారం. రెండేళ్ల పాటు రాజకీయాలతో బిజీగా గడిపిన పవన్ కళ్యాణ్.. ‘వకీల్ సాబ్’ సినిమా కోసం మళ్లీ ముఖానికి మేకప్ వేసుకున్న సంగతి తెలిసిందే. హిందీలో సూపర్ హిట్ అయిన్ ‘పింక్’ సినిమాకు రీమేక్గా ‘వకీల్ సాబ్’ రూపొందుతోంది. ఇప్పటికే చాలా వరకు షూటింగ్ పూర్తయింది. కొంత భాగం చిత్రీకరణను పూర్తిచేయాల్సి ఉంది. లాక్డౌన్ కారణంగా సుమారు 5 నెలలు ఆగిపోయిన ‘వకీల్ సాబ్’ షూటింగ్ ఇటీవలే మొదలైంది. అయితే, పవన్ కళ్యాణ్ లేకుండా మిగిలిన ఆర్టిస్టులపై సన్నివేశాలను చిత్రీకరిస్తున్నారట. పవన్ కళ్యాణ్ సైతం ఈనెల 26 నుంచి షూటింగ్లో పాల్గొంటారని ఇండస్ట్రీ వర్గాల సమాచారం. దీని కోసం పవన్ కళ్యాణ్ 20 రోజుల కాల్షీట్లు కేటాయించారట. ఈ 20 రోజుల్లో పవన్ కళ్యాణ్ పోర్షన్ మొత్తం పూర్తయిపోతుందని అంటున్నారు. అంతేకాదు, త్వరలోనే టీజర్తో ఫ్యాన్స్ను పవన్ సర్ప్రైజ్ చేయనున్నారని టాక్. కాగా, ఈ సినిమాను దిల్ రాజు, బోనీ కపూర్ సంయుక్తంగా నిర్మిస్తున్నారు. వేణు శ్రీరామ్ దర్శకత్వం వహిస్తున్నారు. ఈ సినిమాకు ఇప్పటికే ఓటీటీ ఆఫర్లు వచ్చాయని టాక్. కానీ, వాటికి దిల్ రాజు అంగీకరించలేదని అంటున్నారు. కచ్చితంగా థియేటర్లలోనే విడుదల చేయాలని దిల్ రాజు ఫిక్స్ అయ్యారట. ఈ సినిమాను సంక్రాంతి కానుకగా ప్రేక్షకుల ముందుకు తీసుకొచ్చేందుకు సిద్ధం చేస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/30GxwkW
v
No comments:
Post a Comment