మెగా ప్రొడ్యూసర్ అల్లు అరవింద్ సమర్పణలో జీఏ2 పిక్చర్స్, సుకుమార్ రైటింగ్స్ బ్యానర్లపై సక్సెస్ఫుల్ ప్రొడ్యూసర్ బన్నీ వాసు నిర్మిస్తోన్న చిత్రం ‘18 పేజీస్’. పల్నాటి సూర్య ప్రతాప్ దర్శకత్వం వహిస్తున్నారు. యంగ్ డైనమిక్ హీరో నిఖిల్ ఈ సినిమాలో కథానాయకుడు. ప్రస్తుతం ఈ సినిమాకి సంబంధించిన ప్రీ ప్రొడక్షన్ పనులు శరవేగంగా జరుగుతున్నాయి. వాటితో పాటే తాజాగా చిత్ర బృందం నిఖిల్కి ఈ సినిమాలో జోడీని కూడా ఎంపిక చేసింది. అందం, అభినయంతో తెలుగు కుర్రాళ్ల హృదయాల్ని దోచుకున్న మలయాళీ ముద్దుగుమ్మ అనుపమా పరమేశ్వరన్ని ఈ సినిమాలో హీరోయిన్గా ఎంపిక చేసినట్టు ‘18 పేజీస్’ టీమ్ అధికారికంగా ప్రకటించింది. నిఖిల్, అనుపమ జోడి తెర మీద అద్భుతంగా కనిపిస్తుందని, వారి క్యారెక్టర్లు కూడా ఆడియెన్స్ని ఆద్యంతం అలరించేలా తీర్చిదిద్దుతున్నామని చిత్ర దర్శకుడు సూర్య ప్రతాప్ తెలిపారు. ఈ చిత్రానికి స్టార్ డైరెక్టర్ సుకుమార్ కథ, స్క్రీన్ ప్లే అందిస్తున్నారు. గోపీ సుందర్ సంగీతం సమకూరుస్తున్నారు. ఇదిలా ఉంటే, ‘అ ఆ’ సినిమాతో తెలుగు ప్రేక్షకులకు పరిచయమైన .. తొలి చిత్రంతోనే తనదైన ముద్ర వేశారు. తన అందంతో కుర్రకారును కట్టిపడేశారు. ఆ తరవాత ‘ప్రేమమ్’, ‘శతమానం భవతి’ చిత్రాలు నటిగా ఆమెకు మంచి గుర్తింపును తెచ్చిపెట్టాయి. ‘ఉన్నది ఒకటే జిందగీ’, ‘కృష్ణార్జున యుద్ధం’, ‘తేజ్ ఐ లవ్ యు’, ‘హలో గురు ప్రేమకోసమే’ ఇలా వరుస పెట్టి సినిమాలు చేసినా అనుపమకు కమర్షియల్ హిట్ దక్కలేదు. అయితే, కిందటేడాది వచ్చిన ‘రాక్షసుడు’ సినిమా ద్వారా ఆమె సూపర్ హిట్ అందుకున్నారు. ఇప్పుడు ‘18 పేజీస్’లో అవకాశాన్ని దక్కించుకున్నారు. Also Read:
from Telugu Movie News | Movie News in Telugu | Movie Gossips in Telugu https://ift.tt/3of4MtY
v
No comments:
Post a Comment