అమ్మతో అనసూయ: ఫొటో షేర్ చేసిన యాంకర్.. అమ్మ కాదు అక్క అంటోన్న నెటిజన్స్

ప్రముఖ యాంకర్, నటి ఇన్‌స్టాగ్రామ్‌లో యాక్టివ్‌గా ఉంటారన్న విషయం తెలిసిందే. ఆమె ఎప్పుడూ తన ఫొటోలను, వీడియోలను ఇన్‌స్టాగ్రామ్‌లో పోస్ట్ చేస్తూ ఉంటారు. ప్రస్తుత మోడరన్ లైఫ్‌కు తగ్గట్టు ట్రెండీ డ్రెస్సుల్లో మెరిసే అనసూయ.. ఫొటోషూట్‌లు చేస్తూ వాటిని ఇన్‌స్టాగ్రామ్‌లో పోస్ట్ చేస్తూ ఉంటారు. ఈ ఫొటోలకు బోలెడంత మంది ఫాలోవర్లు. ఇన్‌స్టాగ్రామ్‌లో అనసూయను ఇష్టపడేవాళ్లు ఎంత మంది ఉన్నారో హేటర్స్ కూడా అదే స్థాయిలో ఉన్నారు. ఆమె ఎప్పుడు ఏ ఫొటోను, వీడియోను పోస్ట్ చేసినా ఏదో ఒకటి వల్గర్ కామెంట్ చేస్తూనే ఉంటారు. అయితే, గురువారం అనసూయ ఇన్‌స్టాగ్రామ్‌లో పోస్ట్ చేసిన ఒక ఫొటో అందరినీ ఆకర్షిస్తోంది. దీనికి కారణం ఆ ఫొటోలో అనసూయతో పాటు ఆమె తల్లి అనురాధ కూడా ఉండటమే. ఈరోజు అనురాధ పుట్టినరోజు. ఈ సందర్భంగా అమ్మకు పుట్టినరోజు శుభాకాంక్షలు చెబుతూ, తన తల్లితో కలిసి తీసుకున్న సెల్ఫీని అనసూయ ఇన్‌స్టాగ్రామ్‌లో పోస్ట్ చేశారు. ఈ ఫొటోను చూసినవాళ్లంతా అనసూయకు అనురాధ అమ్మలా లేరని, అక్కలా ఉన్నారని కామెంట్లు చేస్తున్నారు. See Photos: ‘‘ఐ లవ్ యు అమ్మ. నువ్వు ఆరోగ్యంగా ఉండాలని, నీకు మనశ్శాంతి ఉండాలని ఈ పుట్టినరోజు నాడు భగవంతుడిని ప్రార్థిస్తున్నాను. హ్యాపీ బర్త్‌డే అమ్మ’’ అని అనసూయ ఇన్‌స్టాగ్రామ్ పోస్ట్‌లో పేర్కొన్నారు. ‘మా అమ్మ దృఢశాలి’ అని కూడా అనసూయ అన్నారు. తన తల్లి గురించి ఇటీవల ‘ఆలీతో సరదాగా’ కార్యక్రమంలో మాట్లాడుతూ అనసూయ భావోద్వేగానికి గురయ్యారు. ‘నా జీవితంలో మా అమ్మ చాలా ముఖ్యం. ఆమె మా కోసం ఎంత కష్టపడిందో నాకు తెలుసు. ఆమె చీరలు కుట్టి.. మాకు బట్టలు కొనేది. అప్పట్లో ఆర్డినరీ బస్‌లతో పాటు మెట్రో బస్‌లు ఉండేవి. మెట్రో బస్‌లో వెళ్లాలంటే అర్ధరూపాయి ఎక్కువ. ఆ అర్ధరూపాయి కోసం.. నేను రెండు బస్ స్టాప్‌లు నడిచి వెళ్లేదాన్ని. ఇంటి అద్దె కట్టలేక చాలా ఇళ్లులు మారేవాళ్లం’ అంటూ భావోద్వేగానికి గురయ్యారు అనసూయ.

from Telugu Movie News | Movie News in Telugu | Movie Gossips in Telugu https://ift.tt/362U96I
v