లాక్డౌన్ కారణంగా థియేటర్లు మూతపడటంతో ఇటీవల ఓటీటీ ప్లాట్ఫామ్ విపరీతంగా పుంజుకున్న సంగతి తెలిసిందే. షూటింగ్ పూర్తయి రిలీజ్ కాకుండా ఆగిపోయిన సినిమాలన్నీ ఓటీటీ యాప్లలో విడుదల చేస్తున్నారు నిర్మాతలు. నాని, సుధీర్బాబు కాంబినేషన్లో తెరకెక్కిన ‘వి’ ఇటీవలే అమెజాన్ ప్రైమ్ ద్వారా ప్రేక్షకుల ముందుకొచ్చి అలరిస్తున్న సంగతి తెలిసిందే. ఈ తరహాలో రాజ్తరుణ్ హీరోగా నటించిన 'ఒరేయ్ బుజ్జిగా' సినిమా ఆహా ద్వారా విడుదల కానుంది. రీసెంట్గా ఆహాలో విడుదలైన భానుమతి అండ్ రామకృష్ణ, జోహార్ వంటి చిత్రాలు ప్రేక్షకులను బాగానే ఎంటర్టైన్ చేశాయి. ఈ కోవలోనే 'ఒరేయ్ బుజ్జిగా' సినిమాలను గాంధీ జయంతి సందర్భంగా అక్టోబర్ 2న విడుదల చేయడానికి ఆహా యాజమాన్యం సన్నద్ధమవుతుంది. విజయ్ కుమార్ కొండా దర్శకత్వం వహించిన ఈ చిత్రంలో మాళవికా నాయర్, హెబ్బా పటేల్ హీరోయిన్స్గా నటించారు. కుమారి 21 ఎఫ్లో అదిరిపోయే కెమిస్ట్రీతో హిట్ పెయిర్గా నిలిచిన రాజ్తరుణ్, హెబ్బాపటేల్ మరోసారి ఈ చిత్రంలో సందడి చేయనున్నారు. Also Read: కామెడీ ఎంటర్టైనర్గా రూపొందిన ఈ చిత్రం తెలుగు ప్రేక్షకులను మెప్పించడానికి సిద్ధమైంది. ఇందులో వాణీ విశ్వనాథ్, నరేష్, పోసాని కృష్ణమురళి, అనీష్ కురువిళ్ళ, సప్తగిరి, రాజారవీంద్ర, అజయ్ ఘోష్, అన్నపూర్ణమ్మ, సిరి, జయలక్ష్మి, సోనియా చౌదరి, సత్య, మధు నందన్ ముఖ్యపాత్రలు పోషిస్తున్నారు. Also Read: ఈ చిత్రానికి సంగీతం: అనూప్ రూబెన్స్, మాటలు: నంద్యాల రవి, ఫోటోగ్రఫీ: ఐ.ఆండ్రూ, ఎడిటింగ్: ప్రవీణ్ పూడి, డాన్స్: శేఖర్, ఆర్ట్: టి.రాజ్కుమార్, ఫైట్స్: రియల్ సతీష్, ప్రొడక్షన్ ఎగ్జిక్యూటివ్: ఎం.శ్రీనివాసరావు(గడ్డం శ్రీను), కో-డైరెక్టర్: వేణు కూరపాటి, సమర్పణ: శ్రీమతి లక్ష్మీ రాధామోహన్, నిర్మాత: కె.కె.రాధామోహన్, కథ, స్క్రీన్ప్లే, దర్శకత్వం: విజయ్కుమార్ కొండ Also Read:
from Telugu Movie News | Movie News in Telugu | Movie Gossips in Telugu https://ift.tt/2ZwLGVs
v
No comments:
Post a Comment