ప్రముఖ గాయకుడు ఎస్పీ బాలసుబ్రమణ్యం ఆరోగ్య పరిస్థితిపై తీవ్ర ఆందోళన నెలకొంది. ఆయన పరిస్థితి అత్యంత విషమంగా ఉన్నట్లు డాక్టర్లు హెల్త్ బులెటిన్ విడుదల చేయడంతో ఆయన కుటుంబసభ్యులు, అభిమానులు టెన్షన్ పడుతున్నారు. బాలు ఆరోగ్య పరిస్థితి ఆందోళనకరంగా ఉందని ఎంజీఎం హాస్పిటల్ గురువారం సాయంత్రం హెల్త్ బులిటెన్ను విడుదల చేసింది. గడిచిన 24 గంటలుగా ఆరోగ్య పరిస్థితి అత్యంత విషమంగా ఉందని, ఎక్మో, ఇతర లైఫ్ సపోర్ట్పై చికిత్స అందిస్తున్నామని డాక్టర్లు తెలిపారు. Also Read: ఎస్పీ బాలు ఆరోగ్య పరిస్థితి గురించి తెలియగానే నటుడు కమల్హాసన్ హాస్పిటల్కు చేరుకున్నారు. ఆయన పరిస్థితి గురించి డాక్టర్లు, బాలు కుటుంబ సభ్యులను అడిగి తెలుసుకున్నారు. ఆయన త్వరగా కోలుకోవాలని ఆకాంక్షించారు. తిరిగి వెళ్తున్న క్రమంలో మీడియాతో మాట్లాడిన ఆయన బాలు పరిస్థితి విషమంగానే ఉందని తెలిపారు. ప్రస్తుతం ఆయనకు వెంటిలేటర్పైనే డాక్టర్లు వైద్యం అందిస్తున్నారు. వైద్య నిపుణులు ఎప్పటికప్పుడు పరిస్థితిపై సమీక్షిస్తున్నారు. ఈ క్రమంలోనే బాలు ఆరోగ్య పరిస్థితిపై కీలక ప్రకటన వెలువడే అవకాశం కనిపిస్తోంది. బాలు ఆరోగ్య పరిస్థితి గురించి తెలుసుకున్న అభిమానులు హాస్పిటల్ వద్దకు తరలివస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/3hTLSV2
v
No comments:
Post a Comment