ముమైత్ ఖాన్ నన్ను మోసం చేసింది: హైదరాబాద్ క్యాబ్ డ్రైవర్ ఆరోపణలు

టాలీవుడ్‌లో నటిగా, డ్యాన్సర్‌గా తనకంటూ ప్రత్యేక గుర్తింపు తెచ్చుకున్న ఇప్పుడు ఒక వివాదంలో చిక్కుకుంది. ముమైత్ ఖాన్ తనను మోసం చేసిందని హైదరాబాద్‌కు చెందిన క్యాబ్ డ్రైవర్ రాజు ఆరోపిస్తున్నాడు. మూడు రోజుల ట్రిప్ కోసం తీసుకెళ్లి తనకు రావాల్సిన డబ్బు ఇవ్వకుండా మోసం చేసిందని అంటున్నాడు. ఈ మేరకు క్యాబ్ డ్రైవర్స్ అసోసియేషన్‌కు రాజు ఫిర్యాదు చేశాడు. అసోసియేషన్‌లో చర్చించిన తరవాత పోలీసులకు ఫిర్యాదు చేస్తానని అంటున్నాడు. రాజు ఆరోపణలు.. ముమైత్ ఖాన్ మూడు రోజుల గోవా ట్రిప్ కోసం కారు బుక్ చేసుకుంది. గోవాకు వెళ్ళిన తర్వాత ముమైత్ ఖాన్ మూడు రోజుల ట్రిప్‌ను ఎనిమిది రోజులకు పొడిగించింది. ఈ ఎనిమిది రోజులపాటు గోవా మొత్తం తిరిగినా ఎక్కడా టోల్ గేట్‌కు, డ్రైవర్ వసతికి డబ్బులు ఇవ్వలేదు. ఈ మొత్తం కలిపి రూ.15 వేల వరకు ముమైత్ ఇవ్వాలని రాజు ఆరోపిస్తున్నాడు. మరో డ్రైవర్‌కు ఇలా జరగకూడదన్న ఉద్దేశంతోనే తాను ఈ విషయాన్ని క్యాబ్ డ్రైవర్స్ అసోసియేషన్‌కు తెలియజేశానని రాజు వెల్లడించాడు. అసోసియేషన్ సభ్యుల సూచన మేరకు పోలీసులకు ఫిర్యాదు చేస్తానని అన్నాడు. కాగా, ‘పోకిరి’ సినిమాలో ‘ఇప్పటికింకా నా వయసు నిండా పదహారే’ పాటతో ముమైత్ ఖాన్ మంచి పాపులారిటీ సంపాదించింది. ఆ తరవాత చాలా సినిమాల్లో ఐటమ్ సాంగ్స్ చేసింది. అలాగే, ప్రత్యేక పాత్రల్లోనూ మెరిసింది. పోలీస్ ఆఫీసర్‌గానూ నటించింది. ‘ఆపరేషన్ దుర్యోధన’, ‘ఎవడైతే నాకేంటి’, ‘మైసమ్మ ఐపీఎస్’ వంటి చిత్రాల్లో పవర్‌ఫుల్ పోలీస్ ఆఫీసర్‌గా కనిపించింది. ఇక, ఆమె అందాల ఆరబోత గురించి ప్రత్యేకంగా చెప్పాల్సిన అవసరం లేదు. అలాగే, బిగ్ బాస్ తెలుగు సీజన్ 1లోనూ పాల్గొని రచ్చ చేసింది. తెలుగు, తమిళం, హిందీ, కన్నడ తదితర భాషల్లో కలుపుకుని సుమారు 200 సినిమాల్లో ముమైత్ నటించింది. Also Read:

from Telugu Movie News | Movie News in Telugu | Movie Gossips in Telugu https://ift.tt/3cO5b1a
v