కమెడియన్, వైసీపీ నాయకుడు, ఎస్వీబీసీ ఛానల్ మాజీ చైర్మన్ పృథ్వీ మాటలు కాస్త అతిశయోక్తిగానే ఉంటాయి. ఇటీవల మహిళతో ఆడియో కాల్ ఇష్యూతో తన పదవిని పోగొట్టుకున్నా.. పార్టీకి మాత్రం విధేయుడుగానే ఉన్నారు పృథ్వీ. ప్రస్తుతం ఆయన కరోనా బారిన పడగా.. ఆసుపత్రిలో చికిత్స పొందుతూ కోలుకుంటున్నారు. అయితే ఇటీవల ఆయన ఓ వెబ్ ఛానల్లో ఏపీ సీఎం మోహన్ రెడ్డిపై ప్రశంసల జల్లు కురిపిస్తూ పలు ఆసక్తికరమైన కామెంట్స్ చేశారు. జగన్ గారి గురించి చెప్పే ముందు నాకు 2004లో ప్రత్యక్షమైన దేవుడు వైఎస్ రాజశేఖర్ రెడ్డి గురించి చెప్పాలి. హైదరాబాద్ సాగర్ సొసైటీతో నా దేవుడు నాకు ప్రత్యక్ష మయ్యారు. అప్పుడే ఎన్నికల ఫలితాలు వస్తున్నాయి. జనం, మీడియా పెద్ద హంగామా ఉంది. నాకు అప్పుడు కారు లేదు.. బైక్ మీద వెళ్లాను. దాన్ని పక్కన పెట్టి దూరంగా నిలబడి ఉంటే.. అంబటి రాంబాబు గారు.. నన్ను తీసుకుని వెళ్లి వైఎస్ గారికి పరిచయం చేశారు. ఆయన్ని చూడగానే నమస్కారం అని చెప్పి కాళ్లకు దండం పెట్టా.. ‘ఏమయ్యా బాగున్నావా’? అని అని ఆయన స్టైల్లో అన్నారు. వైఎస్ గారి పక్కన ఉన్న గన్ మెన్లు నన్ను చూసి నవ్వుతుండగా.. ఏంటయ్యా వీళ్లు నవ్వుతున్నారని అడిగారు. ఏం లేదండీ.. నన్ను థర్టీ ఇయర్ ఇండస్ట్రీ అంటారండి.. అది గుర్తుకువచ్చి ఉంటుందని అనడంతో ఆయన కూడా నవ్వారు. ఆ టైంలో ఆయన్ని చూస్తే నాకు దేవుడ్ని చూసినట్టే ఉంది. హఠాత్తుగా ఆయన చనిపోవడంతో చాలా బాధపడ్డాను. ఇడుపుల పాయ వెళ్లి.. దండంపెట్టుకుని వైఎస్ఆర్సీపీలో జాయిన్ అయ్యాను. జగన్గారితో పరిచయం ఎలా.. చెప్తే విచిత్రంగా ఉంటుంది కాని.. నేను నాలుగేళ్లు పార్టీలో పనిచేశా కాని.. 2014 ఎలక్షన్స్ అప్పుడు కూడా జగన్ గారిని కలిసింది లేదు. ఉత్తరాంధ్ర పర్యటనలో ఉండగా.. కలుద్దాం అని ప్రయత్నించా కాని జనం ఎక్కువగా ఉండటం వల్ల కుదర్లేదు. ఆ ఎన్నికలు అయిపోయిన తరువాత 2017 సెప్టెంబర్లో జగన్ మోహన్ రెడ్డిగారిని ఆయన ఇంట్లోనే కలిశాను. నా జీవితంలో తొలిసారిగా జగన్ గారిని కలిసిన తొలి ఫొటో నా ఇంట్లో పెట్టుకున్నా. అక్కడ నుంచి జగన్ గారి పాదయాత్రలో పాల్గొన్నాను. వైఎస్ గారి పాదయాత్ర వన్ మ్యాన్ షో.. అలాగే జగన్ గారి పాదయాత్ర కూడా వన్ మ్యాన్ షో.. ఎవరు ఏమనుకున్నా.. ఆయన పడ్డ కష్టం వల్ల 151 ఎమ్మెల్యేలు, 22 మంది ఎంపీలు గెలిచారు. ఆయన వెనుక తోకలాగ మేం కూడా వేలాడం అన్న ఆనందం. జగన్ గారితో మంచి అనుబంధం ఏర్పడింది. ఆయన నాతో కొట్టి మాట్లాడతారు. పృథ్వీ అన్న చాలా ఇదీ అంటారు. ఆయన అన్నా అనే అంటారు. సొంత కుటుంబం సభ్యుడులాగే చూస్తారాయన. జగన్ గారిని చూసి మేం చాలా నేర్చుకున్నాం. ఆయన లాగ లేనందుకు మేం సిగ్గుపడుతున్నాం. జగన్ మోహన్ రెడ్డిగారు నాకు తమ్ముడు లాంటి వారు.. నాకంటే చిన్నవాడు. ఆయన్ని చూసి మేం నేర్చుకోవాలి. ఆయన్ని చూసి మా అలవాట్లు చాలా వదిలేశామ్. 90 శాతం వదిలేశామ్.. ఇంకో పది ఉన్నాయి. సినిమా రంగంలో ఉన్నప్పుడు మందు పార్టీలు కామన్గా ఉంటాయి. అప్పుడప్పుడూ ఓ పెగ్ వేస్తాం.. ఆ అలవాటు కూడా మానేయాలని అనుకుంటున్నా. దాన్ని కూడా ఆపేస్తే సంపూర్ణ మద్యపానం నిషేదం అయిపోతుంది’ అంటూ ఏపీ సీఎం జగన్పై పొగడ్తల వర్షం కురిపించారు థర్టీ ఇయర్స్ ఇండస్ట్రీ పృథ్వీ.
from Telugu Movie News | Movie News in Telugu | Movie Gossips in Telugu https://ift.tt/3gxXsW7
v
No comments:
Post a Comment