ఎక్కడ ఎవరికి ఎలాంటి కష్టం వచ్చిన ప్రముఖ బాలీవుడ్ నటుడు టక్కున వాలిపోతున్నాడు. సాయం కోసం తనవరకు వచ్చిన అన్నిరకాల విజ్ఞప్తులపై వెంటనే స్పందిస్తు తోచిన సాయం చేస్తున్నాడు. తాజాగా రక్షాబంధన్ సందర్భంగా సోనూ సూద్ మరో గొప్ప పనికి శ్రీకారం చుట్టాడు. ఓ వితంతువుకు సాయం చేసి మరోసారి తాను మనసున్న మారాజునంటూ నిరూపించుకున్నాడు. అస్సాంలో ఇటీవల వరదలు వచ్చిన విషయం తెలిసిందే. దీంతో అక్కడ జల్పైగురి ప్రాంతంలో వరదల కారణంగా ఓ మహిళ పూరి గుడిసె పూర్తిగా ధ్వంసమైంది. ఆమెకు భర్త కూడా లేరు. పిల్లలు తినడానికి కూడా తిండి లేని దీన స్థితిలో ఉన్నారు. స్థానికులు ఓ గుడిసెను నిర్మించి ఇస్తే ఆమె అందులో ఉంటుంది. అయితే వర్షాలు, వరదల ధాటికి అదికూడా పూర్తిగా దెబ్బతింది. దీంతో దెబ్బతిన్న గుడిసెను వీడియో తీసి దాన్ని సోనాల్ సింఘ్ అనే మహిళ ట్విటర్లో షేర్ చేశారు. మీరు మాత్రమే ఈమెను ఆదుకోగలరంటూ మహిళ ట్వీట్లో పేర్కొంది. దీంతో వెంటనే ఆ ట్వీట్ పై స్పందించిన సోనూ... రక్షాబంధన్ సందర్భంగా ఈ చెల్లెమ్మకు అసోంలో కొత్త ఇంటిని కానుకగా ఇస్తానంటూ ట్వీట్ చేశాడు. ఏ మాత్రం ఆలోచించకుండా వెంటనే ఆమెకు రాఖీ పండుగరోజు వరాన్ని ప్రసాదించారు. దీంతో మరోసారి సోషల్ మీడియాలో సోనూపై ప్రశంసలు కురిపిస్తున్నారు నెటిజన్లు. రాఖీ పండుగకు ఇంతకు మించిన గిఫ్ట్ మరొకటి ఉండదంటూ కామెంట్లు చేస్తున్నారు. అంతేకాదు సోనూ సాయం చేస్తున్న తీరు చూసి కొందరు అతడ్ని ఆదర్శంగా తీసుకుంటున్నారు. మేము కూడా జీవితంల ఎవరో ఒకరికి ఖచ్చితంగా హెల్ప్ చేస్తామని చెబుతున్నారు. Read More: ఇటీవల కాలంలో సోనూ పేరు మారు మోగుతున్న విషయం తెలిసిందే. తెలుగు ప్రజలకు కూడా సోనూ సూద్ సుపరిచితుడే. తెలుగులో కూడా అతడు ఎన్నో సినిమాల్లో నటించి తెలుగు ప్రేక్షకులకు దగ్గరయ్యాడు. సినిమాల్లో ఇన్నాళ్లు ప్రముఖ విలన్గా మాత్రమే తెలిసిన సోనూ .. ఇప్పుడు పదిమందికి సాయం చేస్తూ రియల్ హీరో అయిపోయాడు. తాజాగా చిత్తూరు జిల్లా మదనపల్లెకు చెందిన రైతుకు కూడా సోనూ ట్రాక్టర్ పంపిన విషయం తెలిసిందే. అదేవిధంగా తెలంగాణలో కరోనా లాక్ డౌన్ కారణంగా సాఫ్ట్ వేర్ ఉద్యోగం కోల్పోయిన సాఫ్ట్ వేర్ శారదకు సైతం మరో జాబ్ ఆఫర్ ఇప్పించాడు సోనూ సూద్. నేరుగా ఆమె ఇంటికి జాబ్ లెటర్ పంపాడు.
from Telugu Movie News | Movie News in Telugu | Movie Gossips in Telugu https://ift.tt/3foIy2R
v
No comments:
Post a Comment