వెండితెరపై బాహుబలి సినిమా ఎలాగో.. బుల్లితెరపై యాంకర్ సుమ హోస్ట్ చేసే ‘స్టార్ మహిళ’ కార్యక్రమం అలా.. రానున్న రోజుల్లో బాహుబలి రికార్డులు బ్రేక్ చేసినా ఆశ్చర్యపడాల్సిన పనిలేదు కాని.. సుమ హోస్ట్ చేసే ‘స్టార్ మహిళ’ రికార్డుల్ని బ్రేక్ చేయడం కాదు కదా.. ఆ దరిదాపుల్లోకి వెళ్లడం కూడా సాధ్యం కాని పని. ఒకటి కాదు రెండు కాదు.. ఏకంగా 3, 181 ఎపిసోడ్లతో దాదాపు 11 ఏళ్ళు నిర్విరామంగా ఈటీవీలో ప్రసారమైన ‘స్టార్ మహిళ’ లిమ్కా బుక్ ఆఫ్ రికార్డ్లో చోటు సంపాదించింది. సుమ కనకాల వ్యాఖ్యాతగా 2008, ఆగష్టు 9న ప్రారంభమైన ఈ కార్యక్రమం ప్రతిరోజు మధ్యాహ్నం 1 గంటల నుండి 2 గంటల వరకు ప్రసారమయ్యేది. 3,181 భాగాలతో భారతదేశంలోనే అతిపెద్ద రెండో ఆటల కార్యక్రమంగా నిలిచిన స్టార్ మహిళ చివరిభాగం 2019, జనవరి 26న ప్రసారం చేశారు. అయితే సుదీర్ఘకాలం ‘స్టార్ మహిళ’ గేమ్ షోను సింగిల్ హ్యాండ్తో నడిపించిన యాంకర్ సుమ.. లాంగ్ గ్యాప్ తరువాత మళ్లీ ఈ కార్యక్రమాన్ని షురూ చేసింది. కమ్మింగ్ సూన్ అంటూ స్టార్ మహిళ కార్యక్రమానికి సంబంధించిన ప్రోమోను విడుదల చేశారు. 3.11 నిడివితో విడుదలైన ఈ ప్రోమోలో సుమ ఎప్పటిలాగే తన ఎనర్జిటిక్ యాంకరింగ్తో అదరగొట్టేస్తోంది. ఈ గేమ్ షోలో పాపులర్ యాంకర్స్ రంగంలోకి దింపిన సుమ.. వాళ్లని ‘స్టార్ మహిళ’లుగా చూపిస్తూ ఆటాడిస్తోంది. ఈ స్టార్ మహిళ స్టేజ్ మీదే చాలా మందికి పెళ్లి సంబంధాలు కుదిర్చాను నేను.. ఒక్కసారి స్టార్ మహిళకు వచ్చావ్ అంటే తరువాత పిల్లా పాపలతోనే వస్తావ్ నెక్స్ట్ అంటూ పంచ్లు పేల్చుతోంది సుమ. తాజా ప్రోమోపై మీరూ ఓ లుక్కేయండి.
from Telugu Movie News | Movie News in Telugu | Movie Gossips in Telugu https://ift.tt/3fmpxy4
v
No comments:
Post a Comment