యంగ్ హీరో పెళ్లి వేడుకకు హాజరై సర్ ప్రైజ్ చేశారు జనసేన అధినేత, పవర్ స్టార్ పవన్ కళ్యాణ్. ఈనెల 26న షాలిని కందుకూరిని నితిన్ పెళ్లాడనున్న సంగతి తెలిసిందే. హైదరాబాద్లోని ప్రతిష్టాత్మక ఫలక్నుమా ప్యాలెస్లో నితిన్-షాలినీల వివాహం జరగనుండగా.. గురువారం మెహందీ ఫంక్షన్ జరిగింది. ఇదే రోజు నితిన్ను పెళ్లికొడుకును కూడా చేశారు. ఈ వేడుకలో , త్రివిక్రమ్ పాల్గొని నితిన్ను ఆశీర్వదించారు. అయితే నితిన్ పెళ్లి వేడుకలో పవన్ గెటప్పై ఆసక్తికరమైన చర్చ నడుస్తోంది. పవన్ కళ్యాణ్, త్రివిక్రమ్, నిర్మాత చినబాబుతో కలిసి నితిన్ తీసుకున్న ఫొటో సోషల్ మీడియాను షేక్ చేస్తుంది. లేత పసుపు వస్త్రాల్లో పెరిగిన జుట్టు గడ్డంతో కనిపించారు పవన్ కళ్యాణ్. అయితే పవన్ కళ్యాణ్ కొత్త లుక్పై వివాదాస్పద దర్శకుడు స్పందిస్తూ.. బాబాగా మారిన బాబు అంటూ ట్విట్టర్లో పవన్ కళ్యాణ్ ఫొటోను షేర్ చేసి తెగ ఆనందం పొందుతున్నాడు వర్మ. అంతేకాదు పవన్ని బాబా అంటూ హేళన చేస్తూ నీ బ్లెస్సింగ్స్ నాకు కావాలి అంటూ వరుస ఫొటోలను షేర్ చేస్తున్నాడు వర్మ. అయితే ఇటీవలే పవన్ కళ్యాణ్ పవన్ కళ్యాణ్ చాతుర్మాస్య దీక్షను చేపట్టారు. ప్రజల క్షేమం, ఆరోగ్యం, ఆర్థిక శ్రేయస్సును ఆకాంక్షిస్తూ పవన్ దీక్షకు పూనారు. ఆషాడం, శ్రావణం, భాద్రపదం, అశ్వీఇజమాసం కలిసి నాలుగు మాసాల పాటు పవన్ కల్యాణ్ దీక్ష కొనసాగుతుంది. తొలి ఏకాదశి నాడు (జూలై 1)న ఈ దీక్షను చేపట్టారు పవన్. చాతుర్మాస్య దీక్షలో ఉన్ననంత కాలం పవన్ కళ్యాణ్ మాంసాహారానికి దూరంగా ఉంటూ.. ఒక్క పూట మాత్రమే మితంగా సాత్వికాహారాన్ని స్వీకరిస్తారు. కార్తీక శుక్ల ఏకాదశి వరకూ ఈ దీక్ష కొనసాగుతుంది. దీక్ష విరమణ రోజున హోమాన్ని నిర్వహించి.. పూర్ణాహూతితో దీక్షను విరమించనున్నారు. కులవృత్తులను నమ్ముకుని జీవిస్తోన్న స్వర్ణ కారులు, నేత కార్మికులు, కళాకారులు, చిరు వ్యాపారులు, తోపుడు బండ్ల వ్యాపారులు, ప్రైవేటు ఉద్యోగులు.. ఇలా అన్ని రంగాలకు చెందిన లక్షలాది మంది ఉపాధి కోల్పోవడంతో.. ఈ దుర్భర పరిస్థితుల నుంచి ప్రజలు బయటపడి సాధారణ జీవనం సాగించాలని, వారికి శారీరక, మానసిక ఆరోగ్యం అందించాలని భగవంతుడిని కోరుకుంటూ ఈసారి దీక్ష చేపట్టారు పవన్ కళ్యాణ్.
from Telugu Movie News | Movie News in Telugu | Movie Gossips in Telugu https://ift.tt/2ZXaRB9
v
No comments:
Post a Comment