దానికి శ్రీరెడ్డే నిజరూపం.. నూతన్ నాయుడు సంప్రదింపులు.. అసలు విషయం ఇదీ

పవన్ కళ్యాణ్‌పై వర్మ ‘పవర్ స్టార్’ చిత్రం తీస్తే.. దీనికి కౌంటర్‌గా పవన్ అభిమాని, బిగ్ బాస్ ఫేమ్ నూతన్ నాయుడు దర్శకుడిగా మారి ‘’ అనే చిత్రాన్ని రూపొందించాడు. అయితే ఈ చిత్రంలో కీలకమైన పాత్ర కోసం వివాదాస్పద నటి శ్రీరెడ్డిని సంప్రదించారు నూతన్ నాయుడు. అయితే ఆమె.. ‘ఐ లవ్ ఆర్జీవీ.. సారీ నేను మీ సినిమాలో చేయను’ అని రిజెక్ట్ చేసిన విషయం తెలిసిందే. ఇంతకీ పరాన్నజీవి ఆఫర్ శ్రీరెడ్డికి వచ్చిందా?? పవన్ ద్వేషించే శ్రీరెడ్డి.. అతనికి సపోర్ట్‌గా నిలుస్తూ రూపొందిస్తున్న సినిమాలో ఎందుకు నటిస్తుంది?? నిజంగానే ‘పరాన్నజీవి’ చిత్ర యూనిట్ ఆమెను సంప్రదించారా? లాంటి విషయాలపై క్లారిటీ ఇచ్చారు దర్శకుడు నూతన్ నాయుడు. ఓ మీడియా ఛానల్‌కి ఇచ్చిన ఇంటర్వ్యూలో ఆయన మాట్లాడుతూ.. శ్రీరెడ్డిని పరాన్నజీవి చిత్రం కోసం నేను సంప్రదించిన మాట వాస్తవమే. ఈ సినిమాలో ఆమె కోసం మంచి పాత్రను అనుకున్నాం. ఆ పాత్రను చేస్తే సముచిత గుర్తింపు లభిస్తుందని అనుకున్నాం. అయితే శ్రీరెడ్డి కొన్ని వ్యక్తిగత కారణాల వల్ల చేయనని చెప్పింది. పైగా ఆమె చెన్నైలో ఉండగా.. అక్కడ కరోనా ఎఫెక్ట్ ఎక్కువగా ఉండటంతో పాటు వ్యయప్రయాసలు ఎక్కువగా ఉండటంతో ఇవన్నీ ఆలోచించుకుని ఆ నిర్ణయాన్ని పక్కనపెట్టాం. ఆమె కూడా చేయనని చెప్పారు. వర్మ-శ్రీరెడ్డి మధ్య సంబంధాలు, సత్సంబంధాలు గురించి నేను మాట్లాడలేను. ఎందుకంటే.. వర్మ క్యారెక్టర్‌కి శ్రీరెడ్డి నిజరూపం’ అంటూ వ్యాఖ్యానించారు. 2018 నాటి ఇష్యూని గుర్తుచేసుకుంటే.. టాలీవుడ్ క్యాస్టింగ్ కౌచ్ ఇష్యూలో శ్రీరెడ్డి.. పవన్ కళ్యాణ్‌ను దారుణంగా దూషించడం వెనుక ఉన్నది వివాదాల దర్శకుడు రామ్ గోపాల్ వర్మ అని నిజం గుప్పుమంది. అప్పట్లో పవన్ కళ్యాణ్‌కి మధ్య వేలు చూపిస్తూ.. అతని తల్లిని దారుణమైన బూతు తిట్టింది శ్రీరెడ్డి. ఇంతకీ ఆ బూతు తిట్టించింది వర్మే అని తరువాత బాంబ్ పేల్చింది శ్రీరెడ్డి. ఇదే విషయాన్ని ప్రస్తావిస్తూ ఆ సీన్ శ్రీరెడ్డితో చేయిస్తే రియలిస్టిక్‌గా ఉంటుందని దర్శకుడు నూతన్ నాయుడు భావించారు. అయితే శ్రీరెడ్డి నూతన్ నాయుడు ఆఫర్‌ను రిజెక్ట్ చేయడంతో వారి ఆశలు ఫలించలేదు.

from Telugu Movie News | Movie News in Telugu | Movie Gossips in Telugu https://ift.tt/30PTTnn
v