‘పీఎస్‌వీ గరుడవేగ’ దర్శకుడితో నాగార్జున భారీ యాక్షన్ మూవీ

‘మన్మథుడు 2’ తరవాత కాస్త గ్యాప్ తీసుకున్న కింగ్ అక్కినేని నాగార్జున.. ఇప్పుడు వరుసపెట్టి సినిమాలను అంగీకరిస్తున్నారు. ఇప్పటికే ఆయన బాలీవుడ్ మూవీ ‘బ్రహ్మాస్త్ర’ సినిమాలో కీలక పాత్రలో నటించారు. ఆ సినిమా విడుదల కావాల్సి ఉంది. ఇక సోలో హీరోగా ‘వైల్డ్ డాగ్’ అనే సినిమా చేస్తున్నారు. ఈ సినిమాలో డేర్ డెవిల్ ఎన్‌కౌంటర్ స్పెషలిస్ట్ ఏసీపీ విజయ్ వర్మ పాత్రలో నటిస్తున్నారు. గతేడాది డిసెంబర్‌లో ఈ చిత్ర ఫస్ట్ లుక్ విడుదలైంది. కాగా, ఇప్పుడు మరో చిత్రాన్ని నాగార్జున ప్రకటించారు. రాజశేఖర్‌తో ‘పీఎస్‌వీ గరుడవేగ’ వంటి సూపర్ హిట్ మూవీని తెరకెక్కించిన ప్రవీణ్ సత్తారు దర్శకత్వంలో నాగార్జున సినిమాను అంగీకరించారు. భారీ యాక్షన్ ఎంటర్‌టైనర్‌గా ఈ చిత్రాన్ని రూపొందించనున్నారు. ఏషియన్ గ్రూప్ చైర్మన్ నారాయణదాస్ నారంగ్ పుట్టినరోజు సందర్భంగా సోమవారం ఈ సినిమాను ప్రకటించారు. శ్రీ వెంకటేశ్వర సినిమాస్ ఎల్‌ఎల్‌పి, నార్త్‌స్టార్ ఎంటర్‌టైన్మెంట్ సంస్థలు సంయుక్తంగా ఈ చిత్రాన్ని నిర్మిస్తున్నాయి. నారాయణదాస్ నారంగ్, పుస్కూర్ రామ్మోహన్ రావు, శరత్ మరార్ నిర్మాతలు. షూటింగ్ త్వరలో ప్రారంభం అవుతుంది. Also Read: కిందటేడాది ‘మన్మథుడు 2’ వంటి రొమాంటిక్ ఎంటర్‌టైనర్‌తో నిరాశపరిచిన నాగార్జున.. ఈసారి మాత్రం వరుస యాక్షన్ ఎంటర్‌టైనర్లతో వస్తున్నారు. అయాన్‌ ముఖర్జీ దర్శకత్వంలో వస్తోన్న ‘బ్రహ్మాస్త్ర’లో నాగార్జున ఆర్కియాలజిస్టుగా కనిపించనున్నారు. ఈ సినిమాలో అమితాబ్‌ బచ్చన్‌, రణ్‌బీర్‌ కపూర్‌, ఆలియా భట్‌, మౌనీ రాయ్‌ ముఖ్య పాత్రలు పోషించారు. దాదాపు రూ.150 కోట్ల బడ్జెట్‌తో ఈ సినిమా నిర్మితమవుతోంది. ఫాక్స్‌ స్టార్‌ స్టూడియోస్‌, ధర్మ ప్రొడక్షన్స్‌ సంస్థలు నిర్మిస్తున్నాయి. దీంతో పాటు సాల్మన్ అనే కొత్త దర్శకుడితో ‘వైల్డ్ డాగ్’ సినిమా చేస్తున్నారు. నిజ ఘ‌ట‌న‌ల‌ను ఆధారంగా చేసుకుని ఈ సినిమాను రూపొందిస్తున్నారు. నిరంజ‌న్ రెడ్డి, అన్వేష్ రెడ్డి ఈ చిత్రానికి నిర్మాతలు.

from Telugu Movie News | Movie News in Telugu | Movie Gossips in Telugu https://ift.tt/30PJIzg
v