ప్రముఖ సీనియర్ నటి కన్నుమూత

ప్రముఖ బాలీవుడ్ సీనియర్ నటి కన్నుమూశారు. ముంబైలోని బాంద్రాలో ఉన్న తన నివాసంలో మంగళవారం కుమ్‌కుమ్ తుదిశ్వాస విడిచారు. ఆమె వయసు 86 సంవత్సరాలు. ‘కబి ఆర్ కబి పార్’, ‘మేరే మెహబూబ్ ఖయామత్ హోగి’ వంట పాటలతో పాపులర్ అయిన కుమ్‌కుమ్ సుమారు 100 సినిమాల్లో నటించారు. కుమ్‌కుమ్ మృతిచెందిన విషయాన్ని దివంగత నటుడు జగదీప్ కుమారుడు, టీవీ దర్శకుడు నవేద్ జాఫ్రి ట్విట్టర్ ద్వారా వెల్లడించారు. Also Read: ‘‘మనం మరో ఆణిముత్యాన్ని కోల్పోయాం. నా చిన్నతనం నుంచి ఆమె నాకు తెలుసు. ఆమె నాకు మరో కుటుంబం. గొప్ప నటి, అద్భుతమైన వ్యక్తి. కుమ్‌కుమ్ ఆంటీ ఆత్మకు శాంతి చేకూరాలి’’ అని నవేద్ జాఫ్రి తన ట్వీట్‌లో పేర్కొన్నారు. కుమ్‌కుమ్ పాత ఫొటోలను కూడా ఈ ట్వీట్‌లో పొందుపరిచారు నవేద్. అలాగే, జానీ వాకర్ కుమారుడు నాజిర్ ఖాన్ కూడా ఇన్‌స్టాగ్రామ్ ద్వారా కుమ్‌కుమ్ మరణవార్తను వెల్లడించారు. ఆమె నివాళులు అర్పించారు. ‘‘అలనాటి నటి కుమ్‌కుమ్ ఆంటీ ఇకలేరు. ఆమె వయసు 86 ఏళ్లు. ఆమె ఎన్నో సినిమాల్లో నటించారు. సాంగ్స్ చేశారు. ఆమె డ్యాన్స్‌తో అలరించారు. నాన్న జానీ వాకర్‌ పక్కన చాలా సినిమాల్లో నటించారు. వాటిలో రెండు చాలా ఫేమస్. ఒకటి ‘పైసా’, మరొకటి ‘సీఐడీ’. ‘యే హై బోంబే మేర్ జాన్’ పాటలో నాన్నతో ఆమె ఆడిపాడారు. అల్లా ఆమె ఆత్మకు శాంతి చేకూర్చాలి. ఆమె కుటుంబానికి నా ప్రగాఢ సానుభూతిని తెలియజేస్తున్నా. మరో ఆణిముత్యం వెళ్లిపోయింది’’ అని తన పోస్ట్‌లో నాజిర్ ఖాన్ పేర్కొన్నారు. ‘మిస్టర్ ఎక్స్ ఇన్ బొంబే’, ‘మదర్ ఇండియా’, ‘సన్ ఆఫ్ ఇండియా’, ‘కోహినూర్’, ‘ఉజాలా’, ‘నయా దౌర్’, ‘సీరమన్ ఫంటూష్’, ‘ఏక్ సపేరా ఏక్ లుతేరా’, ‘గంగ కి లహరెన్’, ‘రాజా ఔర్ రంక్’, ‘ఆంఖెన్’, ‘లల్కార్’, ‘గీత్’, ‘ఏక్ కువారా ఏక్ కువారి’ సినిమాలు కుమ్‌కుమ్‌ నటించిన మంచి చిత్రాలు. 1963లో వచ్చిన తొలి భోజ్‌పురి సినిమా ‘గంగా మైయ్యా తోహే పియారి చదియాబో’లో కూడా కుమ్‌కుమ్ నటించారు.

from Telugu Movie News | Movie News in Telugu | Movie Gossips in Telugu https://ift.tt/2Da34qL
v