రావి కొండలరావు మరణం.. బాహుబలి చిత్రంపై ఆయన చివరి మాటలు

బహుముఖప్రతిభాశాలి మరణంతో టాలీవుడ్‌లో విషాద ఛాయలు అలముకున్నాయి. నటుడిగా దర్శకుడిగా నిర్మాతగా జర్నలిస్ట్‌గా.. 60 ఏళ్ల సినీ జీవితంలో ఎన్నో కీర్తి ప్రతిష్టలు అందుకున్న రావి కొండలరావు నిరాడంబరమైన జీవితాన్ని గడిపి మంగళవారం నాడు తుదిశ్వాస విడిచారు. 600 సినిమాల్లో నటించిన ఈయన.. నాలుగు వందలకు పైగా సినిమాలకు సంభాషణలు ( స్క్రీన్ ప్లే) రాశారు. ఎన్టీఆర్, ఏఎన్నార్ మొదలు యువ హీరోల సినిమాల్లోనూ నటించి రావి కొండలరావు సినిమా ఇండస్ట్రీతో మంచి అనుబంధం ఉంది. ఆయన మరణంతో ఇండస్ట్రీలో విషాదఛాయలు అలముకోగా.. రావి కొండలరావుకి ఘన నివాళి అర్పిస్తోంది టాలీవుడ్. కాగా రావి కొండలరావు మరణంతో ఆయనకు సంబంధించిన ఇంటర్వ్యూలు యూట్యూబ్‌లో వైరల్ అవుతున్నాయి. దీనిలో భాగంగా.. చిత్రంపై ఆయన స్పందన తెలియజేస్తూ ప్రశంసించిన వీడియో వైరల్ అవుతోంది. చివరిగా ఆయన ‘బాహుబలి’ చిత్రం గురించి మాట్లాడుతూ.. ‘నేను బాహుబలి మొదటి పార్ట్ చూడలేదు.. రెండోది చూశా.. నాకు బాగా నచ్చింది. సినిమా అనేది మనల్ని మనం మరిచిపోయి తనలో లీనం చేసుకునేంత గొప్పదని నా ఉద్దేశం. ఈ సినిమా చూస్తూ అలా ఉండిపోయా.. ఇంటర్వెల్ అయ్యే వరకూ సినిమాలో లీనం అయిపోయా. ఇలా అయ్యాం అంటే అది గొప్ప సినిమానే. సెట్‌లు అవీ కాదు.. ఆ సినిమాలో గొప్ప కథ ఉంది. సెంటిమెంట్ ఉంది. పిక్చరైజేషన్ అద్భుతంగా ఉంది. ఆ సినిమా ఈ సినిమా అని కాదు.. ప్రేక్షకుడు లీనం అయ్యాడంటే అది ఖచ్చితంగా గొప్పసినిమానే. బాహుబలి గొప్ప సినిమా. ఈ సినిమాకి వచ్చేటప్పుడు నాకెందుకు ఈ బాహుబలి అనుకున్నా.. ఏదో మామూలు సినిమాకి వెళ్లినట్టు వెళ్లా.. కాని ఈ సినిమా నాకు గొప్ప అనుభూతి. స్టార్టింగ్ నుంచి ఎండింగ్ వరకూ లీనం చేయగలిగింది. శంకరాభరణం సినిమా కూడా అంత గొప్ప చిత్రం అయ్యిందంటే.. ప్రేక్షకుల్ని లీనం చేయగలిగింది కాబట్టే. నేను భైరవద్వీపం తీసినప్పుడు కూడా ఇదే జరిగింది. బయ్యర్లకు సినిమాని కొనుక్కోవడం కంటే ఏం తెలియదు.. నేను భైరవద్వీపం సినిమా అమ్మకానికి పెడితే.. ఎవరూ చూడరేమో సార్.. ప్రభుదేవ డాన్స్ పెడితే బాగుంటుందేమో అని సలహా. అసలు భైరవద్వీపానికి ప్రభుదేవాకి సంబంధం ఉందా?? తరువాత భైరవద్వీపం హిట్ అయ్యింది. వాళ్లే అమ్ముకున్నారు. సినిమా అంటే బయట వాళ్ల అభిప్రాయం కాదు.. ప్రేక్షకుడు చూశాడా? వాళ్లకి నచ్చిందా అనేదే ముఖ్యం. బాహుబలిలో ప్రేక్షకుడికి నచ్చే సన్నివేశాలు చాలా ఉన్నాయి అంటూ అప్పట్లో.. చెప్పుకొచ్చారు రావి కొండలరావు.

from Telugu Movie News | Movie News in Telugu | Movie Gossips in Telugu https://ift.tt/2X4JyD1
v