ఆవిడే నా తొలి కొరియోగ్రాఫర్.. వెలకట్టలేని ఆభరణం: అల్లు అర్జున్ భావోద్వేగం

ఇండియన్ సినిమా ఇండస్ట్రీలో ‘మాస్టర్ జీస‌’, ‘మదర్ ఆఫ్ కొరియోగ్రఫి’ అని అంతా ప్రేమగా పిలిచుకునే ప్రముఖ కొరియోగ్రాఫర్ సరోజ్ ఖాన్ గుండె పోటుతో శుక్రవారం క‌న్ను మూసిన సంగతి తెలిసిందే. ఆమె ఆత్మకు శాంతి కలగాలని పలువురు సినీ ప్రముఖులు తమ సంతాపాన్ని ప్రకటిస్తున్నారు. ఈ నేపథ్యంలో సరోజ ఖాన్ మృతికి సంతాపం ప్రక‌టిస్తూ ఆమె కుటుంబ సభ్యులుకు, సన్నిహితులుకు తన ప్రగాఢ సానుభూతి తెలియజేశారు స్టైలిష్ స్టార్ . ఈ మేరకు సరోజ్ ఖాన్ మృతి పట్ల ఆయన సోషల్ మీడియా ద్వారా స్పందించారు. Also Read: స‌రోజ్ ఖాన్‌తో కలిసి ‘డాడీ’ సినిమా కోసం పని చేసిన అనుభవాలను అల్లు అర్జున్ గుర్తు చేసుకున్నారు. ‘సరోజ్ గారు! దిగ్గజ కొరియోగ్రాఫర్ ఇక లేరు. ఆమె నా తొలి కొరియోగ్రాఫర్. ‘డాడీ’ సినిమా కోసం ఆమెతో కలిసి పనిచేశా. ఆమె అద్భుతమైన పనితనానికి నేనెప్పుడూ అభిమానినే. ఇండియన్ సినిమాలో వెలకట్టలేని, భర్తీచేయలేని ఆభరణం ఆమె. ఆమెకు శిరస్సు వంచి నివాళులు అర్పిస్తున్నా. ఆమె కుటుంబ సభ్యులకు, సన్నిహితులకు నా ప్రగాఢ సానుభూతిని తెలియజేస్తున్నాను’ అని ఇన్‌స్టాగ్రామ్ పోస్ట్‌లో అల్లు అర్జున్ పేర్కొన్నారు. మెగాస్టార్ చిరంజీవి హీరోగా నటించిన ‘డాడీ’ సినిమాకు స‌రోజ్ ఖాన్ కొరియోగ్రాఫ‌ర్‌గా పనిచేశారు. ఈ సినిమాతోనే స్టైలిష్ స్టార్ అల్లు అర్జున్ సిల్వర్ స్క్రీన్ ఎంట్రీ ఇచ్చారు. ఈ సినిమాలో డాన్సర్‌గా అల్లు అర్జున్ వేసిన స్టెప్స్ మెగా అభిమానుల్ని విశేషంగా ఆకట్టుకున్నాయి. అల్లు అర్జున్ వేసిన‌ ఈ డాన్స్ మూమెంట్స్‌ని స్వయంగా స‌రోజ్ ఖాన్ కంపోజ్ చేయ‌డం విశేషం. చిరంజీవి ‘చూడాల‌ని ఉంది’ సినిమాకి కూడా స‌రోజ్ ఖాన్ కొరియోగ్రాఫ‌ర్‌గా ప‌ని చేశారు.

from Telugu Movie News | Movie News in Telugu | Movie Gossips in Telugu https://ift.tt/2VIH0tM
v