బాలీవుడ్ ఇండస్ట్రీ లోని మరో టాలెంటెడ్ పర్సన్ శాశ్వతంగా సెలవు తీసుకున్నారు. ప్రముఖ సీనియర్ కొరియోగ్రాఫర్, మథర్ ఆఫ్ డాన్స్ (71) గుండెపోటుతో ఈ రోజు (శుక్రవారం) తెల్లవారు జామున మరణించారు. ఆమె మరణంతో బీ టౌన్లో విషాద ఛాయలు నెలకొన్నాయి. పలువురు నటీనటులు పెద్ద ఎత్తున తమ తమ సంతాపాలు తెలుపుతున్నారు. దాదాపు నాలుగు దశాబ్దాల పాటు బాలీవుడ్లో రాణించిన సరోజ్ ఖాన్.. 2 వేలకు పైగా పాటలకు నృత్య రీతులను సమకూర్చారు. 22 నవంబర్ 1948 సంవత్సరంలో ఆమె జన్మించింది. సరోజ్ ఖాన్ అసలు పేరు నిర్మల నాగ్పాల్. మూడేళ్ళ వయసులోనే నజరానా సినిమా ద్వారా చైల్డ్ ఆర్టిస్ట్గా సినీ ఎంట్రీ ఇచ్చింది సరోజ్ ఖాన్. 13 ఏళ్ల వయసులో తన గురువు సోహన్ లాల్ని పెళ్లాడింది. తాను నృత్యం నేర్చుకునేందుకు క్లాసులకు వెళుతుండగా ఓ రోజు తనను అనూహ్యంగా మాస్టర్ సోహన్ లాల్ తన మెడలో తాళి కట్టారని ఇటీవల జరిగిన ఓ ఇంటర్వ్యూలో ఆమెనే స్వయంగా వెల్లడించింది. వీరికి ముగ్గురు సంతానం. ఒక కుమారుడు, ఇద్దరు కుమార్తెలు ఉన్నారు. సోహన్ లాల్ని పెళ్లాడిన తర్వాత కొన్నేళ్లు కాపురం చేసి ఆయనకు దూరమైంది సరోజ్ ఖాన్. అయినప్పటికీ ఆయన దగ్గర అసిస్టెంట్ కొరియోగ్రాఫర్గా పని చేసింది. అయితే ఆ తర్వాత కొంతకాలానికి సోహన్ లాల్కి గుండెపోటు రావడంతో మళ్ళీ ఈ ఇద్దరూ ఒక్కటయ్యారు. చాలాకాలం పాటు కొరియోగ్రాఫర్గా పనిచేసినా బయటి ప్రపంచానికి పెద్దగా పరిచయం లేని సరోజ్ ఖాన్ 80వ దశకంలో హవా నడిపించింది. దీంతో ఆమె పేరు ఒక్కసారిగా ఇండస్ట్రీలో మారుమోగిపోయింది. శ్రీదేవి, మాధురీ దీక్షిత్లకు డాన్స్ కంపోజ్ చేసి టాలెంటెడ్ కొరియోగ్రాఫర్గా పేరు తెచ్చుకుంది సరోజ్ ఖాన్. ఆ తర్వాత దాదాపు 30 ఏళ్ళ పాటు బాలీవుడ్లో ఓ వెలుగు వెలిగి పలు జాతీయ అవార్డులు సొంతం చేసుకుంది సరోజ్ ఖాన్. గతేడాది కరణ్ జోహార్ నిర్మించిన ‘కళంక్’ ఆమెకు చివరి చిత్రం. తెలుగులోనూ పలు సినిమాలకు కొరియోగ్రాఫర్గా ఆమె పనిచేశారు. కాగా తాను చనిపోయాక ఒకవేళ దేవుడు వరమిస్తే మళ్ళీ ఇండస్ట్రీకే వెళతాను అని ఆమె గతంలో ఓ ఇంటర్వ్యూలో చెప్పడం గమనార్హం.
from Telugu Movie News | Movie News in Telugu | Movie Gossips in Telugu https://ift.tt/2CZ3YGg
v
No comments:
Post a Comment