‘కంటికి కనిపించని వైరస్ మాత్రమే కాదు.. వైర్ లెస్ నెట్ వర్క్ కూడా ప్రమాదకరం.. వెల్ కమ్ టు డిజిటిల్ ఇండియా’ అంటూ చక్ర ట్రైలర్తో సర్ ప్రైజ్ చేస్తున్నారు యాక్షన్ హీరో విశాల్. బ్యాంక్ అండ్ హౌస్ రాబరీ, ఫోన్ హ్యాకింగ్, సైబర్ క్రైమ్ నేపథ్యంలో అత్యుత్తమ టెక్నాలజీతో ఈ సినిమాను రూపొందించారు. సూపర్ హిట్ మూవీ ‘అభిమన్యుడు’ తరహాలో ఈ సినిమా కూడా ఆద్యంతం ఆకట్టుకునే విధంగా ఈ ట్రైలర్ను రూపొందించారు. మిలటరీ ఆఫిసర్గా విశాల్ పర్ఫెక్ట్గా సూట్ కావడంతో పాటు ఆయన యాక్షన్ ఎపిసోడ్స్ ట్రైలర్లో హైలైట్గా నిలిచాయి. ఒక దేశాన్ని బెదిరించే తీవ్రవాదుల యాక్టివిటీస్ని గమనించడానికి ఒక నేషనల్ సెక్యూరిటీ ఏజెన్సీ చేసే రీసర్చ్ కంటే, ఓ సగటు మనిషి అవసరాలు, వాడి ఆశలు తెలుసుకోవడం కోసం ఓ కార్పోరేట్ కంపెనీ చేసే రీసర్చే ఎక్కువ లాంటి సంభాషణలు సినిమాపై ఆసక్తిని పెంచేస్తున్నాయి. ‘ఆగస్ట్ 15 ఇండిపెండెన్స్డే హైదరాబాద్ సిటీ మొత్తం హై అలర్ట్లో ఉంటుంది కానీ ఆరోజు..’ అంటూ ఆసక్తికరమైన వాయిస్తో ట్రైలర్ మొదలు కాగా.. 49 చోట్ల ఒకేసారి రాబరీ, మిలటరీలో ఇచ్చే ఉన్నతమైన గౌరవం అశోక చక్ర మెడల్ని చోరీ చేయడం.. లాంటి సన్నివేశాలు ‘చక్ర’ టైటిల్కి కనెక్ట్ అయ్యాయి. అయితే ఈ రాబరీలు, హ్యాకింగ్కి కారణమైన ప్రతినాయకుడ్ని రివీల్ చేయకుండా సస్పెన్స్ క్రియేట్ చేశారు. చివర్లో డిజిటల్ ఇండియా అంటూ మోడీ స్పీచ్ కూడా హైలైట్ అయ్యింది. యువన్ శంకర్ రాజా బ్యాగ్రౌండ్ మ్యూజిక్.. బాలసుబ్రమణియం సినిమాటోగ్రఫీ ట్రైలర్లో మేజర్ హైలైట్గా నిలిచింది. పోలీస్ ఆఫీసర్ పాత్రలో హీరోయిన్ శ్రద్ధా శ్రీనాథ్ విభిన్న పాత్ర పోషించగా.. రెజీనా కసాండ్ర మనోబాల, రోబో శంకర్, సృష్టిడాంగే ప్రధాన పాత్రల్లో నటించారు. ఎం.ఎస్ ఆనందన్ దర్శకత్వంలో విశాల్ ఫిలిం ఫ్యాక్టరీ పతాకంపై విశాల్ ఈ చిత్రాన్ని నిర్మిస్తున్నారు. తెలుగు, తమిళ, మలయాళ, కన్నడ నాలుగు దక్షిణాది భాషల్లో ఈ చిత్రం రూపొందగా.. తెలుగు వెర్షన్ ట్రైలర్ను వెర్సటైల్ యాక్టర్ రానా దగ్గుబాటి విడుదల చేశారు. తాజా ట్రైలర్పై మీరూ ఓ లుక్కేయండి.
from Telugu Movie News | Movie News in Telugu | Movie Gossips in Telugu https://ift.tt/384YZ2t
v
No comments:
Post a Comment