ఇండస్ట్రీ ట్రబుల్ షూటర్ దాసరి ఇంట్లోనే ట్రబుల్ వస్తుందని ఎవరూ ఊహించి ఉండరు. టాలీవుడ్ పెద్దన్న దాసరి నారాయణరావు కుమారుల ఆస్తి పంచాయితీ ఇప్పుడు సినీ ఇండస్ట్రీలోనే హాట్ టాపిక్గా మారింది. తాగి గేట్ దూకొచ్చి తమ్ముడు కొట్టాడనేది అన్న ప్రభు వాదన.. అసలు తాను తాగనే లేదు.. తాగితే గేటు ఎలా దూకుతా అనేది తమ్ముడి వాదన. అయితే ఎవరి వాదన ఎలా ఉన్నా.. ఈ ఇష్యూలోకి ఇండస్ట్రీ పెద్దలు చిరంజీవి, మోహన్ బాబు, మురళీమోహన్, సీ కళ్యాణ్లను లాగడం సంచలనంగా మారింది. అయితే ఈ ఇష్యూపై దాసరి చిన్న కొడుకు అరుణ్ కుమార్ వివరణ ఇస్తూ శనివారం నాడు ప్రెస్ మీట్ నిర్వహించారు. అరుణ్ కుమార్ మాట్లాడుతూ.. ‘ఈ ఇష్యూలో చిరంజీవిగారి పేరు ఎందుకు వచ్చిందో కూడా నాకు తెలియదు. మీడియాలో ఆయన పేరు ప్రముఖంగా వినిపిస్తుంది. సోర్స్ ఎవరు ఇచ్చారో నాకు తెలియదు. ఇందులో ఆయనకు ఎలాంటి సంబంధం లేదు. ఇది మా ఫ్యామిలీ ఇష్యూ.. చిరంజీవి గారికి సంబంధం లేదు. నిజానికి నాకు మా సిస్టర్ అండ్ బ్రదర్లో కూడా ప్రాబ్లమ్ లేదు. ఇప్పుడు నేను బహిరంగంగా చెప్తున్నా.. మా అన్నయ్య ప్రభు మీడియా, పోలీస్ దగ్గరకు పోకుండా నాతో వచ్చి మాట్లాడమనండి. కూర్చుని పరిష్కరించుకుందాం. మా నాన్న ఇండస్ట్రీలో ఎంతో మంది సమస్యలు తీర్చారు.. ఇప్పుడు మా ఇంట్లోనే సమస్య రావడం చాలా బాధగా ఉంది. చిరంజీవి లాంటి వాళ్లు ముందుకు వచ్చి మా సమస్య తీర్చితే తప్పకుండా ఆహ్వానిస్తాం. మా అన్నయ్య చెప్తే నేను వింటా.. అనవసరంగా ఇండస్ట్రీ పెద్దలు నాకు సహకరించడం లేదు అని అనడం ఎందుకు. ఈ ఇష్యూలోకి వాళ్లను లాగడం దేనికి? మా నాన్న ఎన్నో సమస్యలు తీర్చారు ఇండస్ట్రీలో.. ఆయన కొడుకులేంటి?? వెధవల్లా రోడ్డుకొచ్చి కొట్టుకుంటున్నారు అని జనం అనుకుంటారు. ఆస్తి కోసం కొడవలేంటి ఛీ..’ అంటూ ఆసక్తికరమైన వ్యాఖ్యలు చేశారు అరుణ్ కుమార్.
from Telugu Movie News | Movie News in Telugu | Movie Gossips in Telugu https://ift.tt/2BgUUfl
v
No comments:
Post a Comment