కామెడీ చిత్రాలతోనే కాకుండా విలక్షణ పాత్రలతో నటుడిగా మంచి గుర్తింపు సంపాదించారు అల్లరి నరేష్. నరేష్ కెరియర్లో 57వ చిత్రంగా ‘నాంది’ రాబోతుంది. పోలీస్ స్టేషన్లో నగ్నంగా తలకిందులుగా వేలాడుతూ ఫస్ట్ లుక్తో సర్ ప్రైజ్ చేశారు అల్లరి నరేష్. ఇక జూన్ 30న ఆయన బర్త్ డే కావడంతో ‘నాంది’ ఎఫ్ఐఆర్ (ఫస్ట్ ఇంపాక్ట్ రివీల్) పేరట గ్లింప్స్ వీడియోను విడుదల చేయనున్నట్లు తన ట్విట్టర్ అకౌంట్ ద్వారా వెల్లడించారు. ఈ సందర్భంగా ‘నాంది’ గ్లింప్స్కి సంబంధిచిన పోస్టర్ను విడుదల చేశారు అల్లరి నరేష్. పోలీస్ స్టేషన్లో నగ్నంగా కింద కూర్చుని థర్డ్ డిగ్రీకి గురౌతున్నట్టు ఈ పోస్టర్లో కనిపిస్తుంది. ''జూన్ 30 మంగళవారం - మీరందరూ 'నాంది' యొక్క ఫస్ట్ ఇంపాక్ట్ రివీల్ చేయడానికి సాక్ష్యంగా నిలవండి'' అంటూ ఈ పోస్టర్కి కామెంట్ జత చేశారు అల్లరి నరేష్. ఈ చిత్రంతో హరీష్ శంకర్ దగ్గర కో-డైరెక్టర్గా పనిచేసిన విజయ్ కనకమేడల దర్శకుడిగా పరిచయమవుతున్నారు. ఎస్వీ 2 ఎంటర్టైన్మెంట్ బ్యానర్పై సతీష్ వేగేశ్న నిర్మిస్తున్న ఈచిత్రానికి అబ్బూరి రవి, చోటా కె. ప్రసాద్, శ్రీచరణ్ పాకాల, బ్రహ్మ కడలి వంటి ఉన్నత స్థాయి సాంకేతిక నిపుణులు పనిచేస్తున్నారు. వరలక్ష్మీ శరత్కుమార్, హరీష్ ఉత్తమన్, ప్రియదర్శి, ప్రవీణ్ కీలక పాత్రలు పోషించారు.
from Telugu Movie News | Movie News in Telugu | Movie Gossips in Telugu https://ift.tt/2NCl7aZ
v
No comments:
Post a Comment