ఆయన వెళ్తారా లేదా అన్నది తరువాత సంగతి అయితే.. ఈనెల 9న జరగబోయే జగన్-చిరు భేటీకి నందమూరి బాలకృష్ణకు ఆహ్వానం పంపుతున్నారనే వార్త ఇండస్ట్రీలో హాట్ టాపిక్ అవుతుంది. కరోనా ఎఫెక్ట్తో టాలీవుడ్ ఇండస్ట్రీకి కోలుకోలేని దెబ్బ తగిలింది. గత 70 రోజులుగా షూటింగ్లతో సహా అన్ని పనులు నిలిచిపోయాయి. థియేటర్స్ మూత పడ్డాయి. విడుదల కావాల్సిన సినిమాలు ఆగిపోయాయి. పోస్ట్ ప్రొడక్షన్, ప్రీ ప్రొడక్షన్స్ పనులు ముందుకు కదిలే పరిస్థితి లేదు.. వేలాది మంది సినీ కార్మికులు పనిలేక, పూట గడవక నానా ఇబ్బందులు పడుతున్నారు. ఈ తరుణంలో మెగాస్టార్ నేతృత్వంలో చలన చిత్రం రంగం పడుతున్న ఇబ్బందుల్ని తెలుగు రాష్ట్రాల సీఎంల దృష్టికి తీసుకుని వెళ్లారు ఇండస్ట్రీ పెద్దలు. మెగాస్టార్ చిరంజీవి తన అనుకున్న కొంత మంది ఇండస్ట్రీ పెద్దలతో కలిసి తెలంగాణ ముఖ్యమంత్రి కేసీఆర్, సినిమాటోగ్రఫీ శాఖా మంత్రి తలసానిని కలసి వారి నుంచి సానుకూలమైన హామీలను పొందారు. అయితే కీలమైన ఈ చర్చలకు తనను పిలవకపోవడంతో అలిగారు నందమూరి . నన్ను పిలిచారా?? ఒక్కడైనా నాతో మాట్లాడారా?? వాళ్లు ఆస్తులు పంచుకోవడానికి తలసానితో మీటింగ్లు పెట్టారేమో అంటూ కాస్త సీరియస్గానే రియాక్ట్ అయ్యారు బాలయ్య. ఆయన వ్యాఖ్యలతో టాలీవుడ్లో తీవ్ర దుమారం రేగింది. మెగా బ్రదర్ నాగబాబు అయితే శివాలెత్తి బాలయ్యపై నిప్పులు వర్షం కురిపించారు. బాలయ్యను పిలవక పోవడం తప్పే అనేవారు కొందరైతే.. తప్పేం లేదు అంటూ ఇండస్ట్రీలో రెండు వర్గాలుగా విడిపోయి ఒకరిపై ఒకరు విమర్శలు గుప్పించుకున్నారు. ఇదిలా ఉంటే.. ఈ వివాదానికి ముగింపు పలికేందుకు ఈనెల 9న జరిగే జగన్-చిరు భేటీకి బాలయ్యను పిలవడమే తగిన పరిష్కారం అని ఇండస్ట్రీ పెద్దలు భావిస్తుండటంతో నందమూరి బాలయ్యను ఆహ్వానించబోతున్నట్టు తెలుస్తోంది. గతంలో ఏర్పడిన వివాదాలు పునరారావృతం కాకుండా ఉండాలి అంటే చిత్ర ప్రముఖులతో పాటు బాలయ్యను పిలవాలనే నిర్ణయానికి వచ్చినట్టు తెలుస్తోంది. అయితే గత 30 ఏళ్లుగా జరిగే ఇండస్ట్రీ మీటింగ్లకు బాలయ్య దూరంగానే ఉంటున్నారని తమ్మారెడ్డి లాంటి సీనియర్లు ఆరోపిస్తున్నారు. మరి ఈ కీలక మీటింగ్కి బాలయ్య హాజరౌతారా? హీరోగానే కాకుండా టీడీపీ ఎమ్మెల్యేగా ఉన్న బాలయ్య ఏపీ సీఎం జగన్ని కలుస్తారా? అన్నది ఆసక్తికరంగా మారింది. ఒకవేళ జగన్-బాలయ్య-చిరులు కలిసి చర్చలు జరిపితే అది అది శుభపరిణామంగా మిగులుతుందని సినీ పెద్దలు భావిస్తున్నారు. ఒక్క దెబ్బకు రెండు పిట్టలు అన్నట్టుగా.. ఈ ఒక్క మీటింగ్తో అటు చిరంజీవి-బాలయ్యల మధ్య విభేదాలు, చలనచిత్ర పరిశ్రమ ఇబ్బందులు పరిష్కారం అవుతాయని భావిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/3cvZsew
v
No comments:
Post a Comment