ప్రతి ఒక్కరికి సహనం ఉంటుంది.. భరిస్తున్నారు కదా అని ఎక్కువ చేస్తే.. ఇదిగో రియాక్షన్ టాలీవుడ్ హీరోల మాదిరే ఉంటుంది. తమపై తప్పుడు కథనాలు రాసే వారిపై ఉక్కుపాదం మోపేందుకు రెడీ అయ్యారు. సన్సేషనల్ హీరో లేవనెత్తిన ‘కిల్ ఫేక్ న్యూస్’ టాలీవుడ్లో ఉద్యమంలో మారింది. ఇంటర్వ్యూలు, యాడ్స్ ఇవ్వలేదని తప్పుడు రేటింగ్లు ఇస్తూ, ఫేక్ న్యూస్ ప్రసారం చేస్తున్న ఫేక్ వెబ్ సైట్లను ఏకిపారేశారు విజయ్ దేవరకొండ. ఆపదలో ఉన్నవారికి సాయం చేయడానికి తాను ‘మిడిల్ క్లాస్ ఫండ్’ అని ఫౌండేషన్ స్థాపించి విజయ్ దేవరకొండ ఫౌండేషన్ ద్వారా ఫండ్ కలెక్ట్ చేసి అనేక మందికి సాయం చేస్తుంటే కొన్ని వెబ్ సైట్స్ ఫేక్ న్యూస్ రాస్తున్నాయని మీడియా ముందు వాపోయారు విజయ్ దేవరకొండ. తాను ఫౌండేషన్ వల్ల ఏం చేశారు? ఫండ్ ఎంత వచ్చింది? ఎంత ఖర్చు చేశారు.. తదితర వివరాలను ఆధారాలతో సహా తెలియజేస్తూ.. వాటిని ఆ వెబ్ సైట్ ఏ విధంగా వక్రీకరించి రాసిందో తెలియజేస్తూ ఏకిపారేశారు విజయ్. ఈ సందర్భంగా కిల్ ఫేక్ న్యూస్ అంటూ ఓ వీడియోను రూపొందించి ఎమోషనల్ అయ్యారు విజయ్. దీంతో విజయ్ పిలుపుకు ఇండస్ట్రీ హీరోల నుంచి మద్దతు లభిస్తోంది. ఈ ఇష్యూని టాలీవుడ్ పరిశ్రమ సీరియస్గా తీసుకోవాలని.. ‘బ్రదర్ నీ వెనుకు నేనున్నా’ అంటూ మద్దతు ప్రకటించారు మహేష్ బాబు. ఆ వెంటనే చిరంజీవి, రవితేజ కొరటాల, పూరి, రానా, చార్మి ఇతర స్టార్ దర్శకులు, నిర్మాతలు కూడా విజయ్కి మద్దతు ప్రకటిస్తూ ఫేక్ న్యూస్ రాసే ఆ వెబ్ సైట్స్పై ఉక్కుపాదం మోపడానికి రెడీ అయ్యారు. ఇక నిర్మాత మండలి సైతం ఈ విషయంలో సీరియస్ అయ్యి ఫేక్ న్యూస్ ప్రచారం చేస్తున్న కొన్ని వెబ్ సైట్స్ పై చర్యలు తీసుకోవడానికి ఆ దిశగా పనులు జరుగుతున్నాయని తెలుస్తోంది. ఈ తరుణంలో కింగ్ స్పందిస్తూ.. విజయ్ దేవరకొండకు అభినందలు తెలిపారు. అతనికి మద్దతు తెలిపిన చిరంజీవి, మహేష్ బాబు, రవితేజ, రానా, కొరటాల, క్రిష్, వంశీ పైడిపల్లిలను ట్యాగ్ చేస్తూ మన సహచరుడికి అండగా నిలబడటం అభినందనీయమని కొనియాడారు. అయితే ఇలాంటి ఇష్యూస్లో అండగా ఉంటే సరిపోదని వీటిని ఎదుర్కొనేందుకు యాక్షన్ ప్లాన్ రెడీ చేయాల్సిన అవసరం ఉందని ట్వీట్ చేశారు నాగార్జున. కాగా ఈ ఇష్యూస్ని టాలీవుడ్ పరిశ్రమ సీరియస్ తీసుకుని సదరు వెబ్ సైట్స్పై లీగల్ చర్యలు తీసుకుని ముందుకు వెళ్లేందుకు చర్చలు జరుపుతున్నట్టు తెలుస్తోంది. ఎప్పటి నుండో ఉన్న ఈ ఫేక్ న్యూస్ సంస్కృతం ముగింపు పలికేలా యాక్షన్ ప్లాన్ రెడీ చేస్తున్నట్టు తెలుస్తోంది. మెగాస్టార్ చిరంజీవి ఇతర స్టార్ హీరోలు ఆ వైపుగా ప్రయత్నాలు మొదలుపెట్టినట్టు సమాచారం.
from Telugu Movie News | Movie News in Telugu | Movie Gossips in Telugu https://ift.tt/2zfoVuB
v
No comments:
Post a Comment