కరోనా వైరస్ కారణంగా తీవ్రంగా నష్టపోయిన రంగాల్లో సినీ రంగం ఒకటి. లాక్డౌన్ కారణంగా షూటింగ్లు ఆగిపోయాయి, థియేటర్లు మూతబడ్డాయి, ఎంతో మంది సినీ కార్మికులు ఉపాధి కోల్పోయారు. నెలరోజులకు పైగా ఇదే పరిస్థితి కొనసాగుతోంది. ఇంకా ఎన్ని రోజులు ఈ పరిస్థితి ఉంటుందో తెలీదు. ఈ కరోనా మహమ్మారి వల్ల ఎన్నడూ లేనంతంగా టాలీవుడ్ నష్టపోయింది. వీలైనంత తొందరగా మళ్లీ షూటింగ్లు ప్రారంభించి పూర్వ వైభవాన్ని తీసుకురావాలని సినీ పెద్దలు చూస్తున్నారు. దీనిపై మాట్లాడేందుకు సినీ నిర్మాతలు తెలంగాణ సినిమాటోగ్రఫీ మంత్రి తలసాని శ్రీనివాస్ యాదవ్తో కలిసి ఫిల్మ్ ఛాంబర్లో మంగళవారం మీడియా సమావేశం నిర్వహించారు. ఈ సమావేశంలో శ్రీనివాస్ యాదవ్ మాట్లాడుతూ సినీ పరిశ్రమకు తెలంగాణ ప్రభుత్వం అండగా ఉంటుందని హామీ ఇచ్చారు. హైదరాబాద్లో సినీ పరిశ్రమను మరింత బోలపేతంగా చేసే విధంగా ప్రభుత్వం ఒక కొత్త పాలసీని తీసుకొస్తుందని చెప్పారు. దీని గురించి ఇప్పటికే చిరంజీవి, నాగార్జునతో చర్చలు జరిపామని మంత్రి గుర్తుచేశారు. లాక్డౌన్ ఎత్తివేసిన తరువాత ఇండస్ట్రీ ప్రతినిధులతో మరోసారి చర్చలు జరిపి యధావిధి స్థానం కోసం ప్రభుత్వం కృషి చేస్తుందని స్పష్టం చేశారు. కేరళలో సినిమా పోస్ట్ ప్రొడక్షన్ పనులకు ప్రభుత్వం అనుమతి ఇవ్వడం, తమిళనాడులో సినీ నిర్మాతలు ప్రభుత్వాన్ని ఈ విషయమై కోరడం పట్ల కూడా మంత్రి స్పందించారు. ‘‘ఎలాగూ రెండు నెలలు గడుస్తోంది. లేనిపోని తొందరపాటుతో ఇబ్బందులు తెచ్చుకోవడం కంటే ఈ నెల గడిచే వరకు ఆగడం మంచిది. జూన్ నుంచి షూటింగ్లు కానీ, పోస్ట్ ప్రొడక్షన్ పనులు కానీ జరుపుకునే అవకాశాలపై చర్చిస్తాం’’ అని శ్రీనివాస్ యాదవ్ స్పష్టం చేశారు. షూటింగ్లు తిరిగి ప్రారంభించుకోవడానికి కచ్చితంగా ఒక నిర్ణయాన్ని ఇప్పుడు చెప్పలేమని స్పష్టం చేశారు. మంచి చేయాలని ఇప్పుడు అనుమతి ఇచ్చి ఒకవేళ చెడు జరిగితే అంతిమంగా చెడ్డపేరు వస్తుందని మంత్రి వెల్లడించారు. కాబట్టి కచ్చితంగా లాక్డౌన్ ఎత్తేసిన తరవాత సినిమా షూటింగ్లపై చర్చించి నిర్ణయం తీసుకుంటామని స్పష్టం చేశారు. ఈ సమావేశంలో నిర్మాతలు సి.కళ్యాణ్, దిల్ రాజు, తుమ్మల ప్రసన్న కుమార్, తెలుగు ఫిలిం ఛాంబర్ ఆఫ్ కామర్స్ అధ్యక్షుడు నారాయణ్ దాస్ నారంగ్, సునీల్ నారంగ్ తదితరులు పాల్గొన్నారు.
from Telugu Movie News | Movie News in Telugu | Movie Gossips in Telugu https://ift.tt/2Ywt9sC
v
No comments:
Post a Comment