దర్శకధీరుడు ఎస్.ఎస్.రాజమౌళి తెరకెక్కిస్తోన్న భారీ పాన్ ఇండియా మూవీ ‘RRR’ (రౌద్రం రుధిరం రణం). యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ హీరోలుగా తెరకెక్కుతోన్న ఈ సినిమాపై దేశ వ్యాప్తంగా భారీ అంచనాలున్నాయి. ఇప్పటికే విడుదలైన రామ్ చరణ్ స్పెషల్ వీడియో విశేషంగా ఆకట్టుకుంది. అల్లూరి సీతారామరాజుగా రామ్ చరణ్ లుక్ను చూసి ఫ్యాన్స్ ఫిదా అయిపోయారు. అలాగే, ఆ వీడియో తారక్ వాయిస్ ఓవర్కు మంచి రెస్పాన్స్ వచ్చింది. మే 20న ఎన్టీఆర్ పుట్టినరోజు కావడంతో నందమూరి అభిమానులు RRR యూనిట్ నుంచి ఎలాంటి గిఫ్ట్ వస్తుందా అని ఆసక్తిగా ఎదురుచూస్తున్నారు. ఇదిలా ఉంటే, ఈ లాక్డౌన్ సమయంలో RRR మూవీ గురించి ఏదో ఒక అప్డేట్ ఇస్తూనే ఉంటామని గతంలో చిత్ర యూనిట్ ప్రకటించింది. ఆ మాట ప్రకారం తాజాగా ఆలియా భట్ గురించి రాజమౌళి చెప్పిన మాటలను నిర్మాణ సంస్థ డీవీవీ ఎంటర్టైన్మెంట్ సోషల్ మీడియా ద్వారా ప్రేక్షకులకు అందించింది. అసలు సీత పాత్రకు ఆలియా భట్ను ఎందుకు ఎంపిక చేసుకున్నామో రాజమౌళి చెప్పారు. ఆలియాపై ప్రశంసలు కురిపించారు. Also Read: ‘‘సీత పాత్ర కోసం తారక్, చరణ్ మధ్య నిలబడగలిగే నటి నాకు కావాలి. ఎందుకంటే వాళ్లిద్దరూ ఎంతో ప్రతిభ కలిగిన నటులు. అలా అని ఇది త్రికోణ ప్రేమకథ కాదు. సీత అమాయకంగా ఉండాలి. దాడి చేసే విధంగా ఉండాలి. చాలా హుషారుగా ఉండాలి. అందుకనే ఈ పాత్ర కోసం ఆలియా భట్ను ఎంపిక చేసుకున్నాను’’ అని రాజమౌళి వెల్లడించారు. రాజమౌళి మాటలను బట్టి చూస్తే సినిమాలో ఆలియా భట్ పాత్రకు ప్రాధాన్యత ఎక్కువగానే ఉన్నట్టు అర్థమవుతోంది. రామరాజు మరదలు సీతగా ఆలియా భట్ కనిపించబోతున్నారు. ఇదిలా ఉంటే, RRR సినిమా విడుదల తేదీపై ప్రస్తుతం ఇండస్ట్రీ వర్గాల్లో చర్చ నడుస్తోంది. ఈ సినిమాను వచ్చే ఏడాది జనవరి 8న విడుదల చేస్తున్నట్టు ఇప్పటికే ప్రకటించారు. అయితే, లాక్డౌన్ కారణంగా సుమారు రెండు నెలలు సినిమాకు సంబంధించి ఎలాంటి వర్క్ జరగలేదు. కాబట్టి, సినిమా విడుదల వాయిదా పడే అవకాశం ఉందని అంటున్నారు. కానీ, చిత్ర యూనిట్ మాత్రం దీనిపై ఎలాంటి ప్రకటన చేయలేదు. ప్రకటించిన విడుదల తేదీకే కట్టుబడి ఉన్నామని గతంలో దర్శక నిర్మాతలు స్పష్టం చేశారు.
from Telugu Movie News | Movie News in Telugu | Movie Gossips in Telugu https://ift.tt/2SBXUse
v
No comments:
Post a Comment