దేశంలో కరోనా కేసులు కాస్త తగ్గుముఖం పట్టడంతో గ్రీన్ జోన్లలో వైన్ షాప్లు తెరవడానికి కేంద్ర ప్రభుత్వం అనుమతినిచ్చింది. కేంద్ర ప్రభుత్వ నిర్ణయానికి అనుగుణంగా ఆయా రాష్ట్రాలు కరోనా వ్యాప్తి చెందకుండా జాగ్రత్తలు పాటిస్తూ వైన్ షాప్లు తెరుచుకోవడానికి అవకాశం కల్పించాయి. దీంతో వైన్ షాప్ల ముందు మందుబాబులు క్యూలు కడుతున్నారు. వైన్ షాపుల ముందు మందు బాబులు బారులు తీరిన ఫొటోలు, వీడియోలు ప్రస్తుతం సోషల్ మీడియాలో వైరల్ అవుతున్నాయి. అయితే, వీటిలో హీరోయిన్ వీడియోను కూడా కలిపేస్తు్న్నారు కొంత మంది పిచ్చి జనాలు. Also Read: రకుల్ ప్రీత్ సింగ్ ఒక వైన్ షాప్ వద్ద లిక్కర్ కొనుగోలు చేసిందంటూ ఒక వీడియోను వైరల్ చేస్తున్నారు. నిజానికి రకుల్ ప్రీత్ సింగ్ వెళ్లింది వైన్ షాప్కు కాదు. మెడికల్ స్టోర్కి. ప్రస్తుతం రకుల్ ఫ్యామిలీ ముంబైలో ఉంటుంది. ముంబైలోని బాంద్రాలో ఓ మెడికల్ షాప్ వద్ద రకుల్ ప్రీత్ సింగ్ మందులు కొనుగోలు చేసుకుని రోడ్డు దాటుతుండగా ఎవరో వీడియో తీశారు. ఆ సమయంలో రకుల్ మాస్క్ ధరించి ఉన్నారు. ఈ వీడియోను ‘వైరల్ భయాని’ ఇన్స్టాగ్రామ్ పేజ్లో పోస్ట్ చేశారు. రకుల్ బాంద్రాలో ఓ మెడికల్ షాప్ వద్ద మందులు కొనుగోలు చేసినట్టు ఆ పోస్ట్లో స్పష్టంగా పేర్కొన్నారు. అయినప్పటికీ కొంత మంది రకుల్ వైన్ షాప్కు వెళ్లారని అస్సలు ఆలోచించకుండా ఈ వీడియోను సోషల్ మీడియాలో పెడుతున్నారు. విచిత్రం ఏంటంటే అది ఆంధ్రప్రదేశ్లో వైన్ షాప్ వద్ద అని కొంత మంది తమ పోస్టులలో పేర్కొంటున్నారు. టిక్ టాక్లో ప్రస్తుతం ఈ వీడియో బాగా వైరల్ అవుతోంది. అయితే, అసలు విషయం తెలుసుకోకుండా రకుల్ వైన్ షాప్కు వెళ్లారని ఇష్టమొచ్చినట్టు సోషల్ మీడియాలో పెట్టడమేంటని ఆమె అభిమానులు ఆగ్రహం వ్యక్తం చేస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/2L4oGW5
v
No comments:
Post a Comment