కరోనా వైరస్ కారణంగా ఏర్పడిన ఈ లాక్డౌన్ సమయంలో వలస కూలీలు తీవ్ర ఇబ్బందులు పడ్డారు. పొట్టకూటి కోసం సరిహద్దులు దాటి హైదరాబాద్ వచ్చిన ఎంతో మంది వలస కూలీలు ఉపాధి కోల్పోయి నిలువ నీడలేక చాలా ఇబ్బంది పడ్డారు. అయితే, తెలంగాణ ప్రభుత్వం ఎంతో మంది వలస కూలీలను ఆదుకుంది. వారికి ఆశ్రయాలను ఏర్పాటుచేసి పొట్ట నింపింది. ప్రభుత్వంతో పాటు ఎన్నో స్వచ్ఛంద సంస్థలు కూడా వలస కూలీలను ఆదుకున్నాయి. వాటిలో ప్రకాష్ రాజ్ ఫౌండేషన్ కూడా ఉంది. చాలా మంది వలస కూలీలకు ప్రకాష్ రాజ్ తన ఫామ్ హౌస్లో ఆశ్రయం ఇచ్చారు. ఇదిలా ఉంటే, వలస కూలీలను వారి స్వస్థలాలకు పంపడానికి తెలంగాణ ప్రభుత్వం ప్రత్యేక రైళ్లను ఏర్పాటుచేసింది. హైదరాబాద్ నగరంలోని వివిధ ప్రాంతాలతో పాటు వరంగల్, ఖమ్మం, రామగుండం, దామరచర్ల తదితర ప్రాంతాల నుంచి ప్రత్యేక రైళ్లు నడపుతున్నారు. బీహార్, ఒడిశా, జార్ఖండ్, పశ్చిమ బెంగాల్ తదితర రాష్ట్రాలకు రోజుకు 40 చొప్పున ప్రత్యేక రైళ్లను నడుపుతూ వలస కార్మికులను తరలిస్తున్నారు. దీంతో ప్రకాష్ రాజ్ ఫామ్ హౌస్లో తలదాచుకున్న కార్మికులు కూడా తమ స్వస్థలాలకు బయలుదేరారు. ఈ విషయాన్ని ప్రకాష్ స్వయంగా వెల్లడించారు. ఈ మేరకు ట్వీట్ చేశారు. వలస కార్మికులను తరలించే ఏర్పాటుచేసినందుకు తెలంగాణ మంత్రి కేటీఆర్, డీజీపీ మహేందర్ రెడ్డికి కృతజ్ఞతలు తెలిపారు. Also Read: ‘‘వలస కార్మికులను సురక్షితంగా తరలిస్తున్నందుకు కేటీఆర్ గారికి, తెలంగాణ డీజీపీ గారికి కృతజ్ఞతలు. 44 రోజుల పాటు వారికి నా వ్యవసాయ క్షేత్రంలో ఆశ్రయం ఇచ్చాను. వాళ్లందరూ ఇప్పుడు నన్ను వదిలిపెట్టి వెళ్లిపోతున్నారు. వారి జీవిత కథల నుంచి నేను ఎంతో నేర్చుకున్నాను. వారి నుంచి ఎంతో ప్రేమను పొందాను. కష్టకాలంలో వారిని ఆదుకోగలిగిన ఒక తోటి వ్యక్తిగా నేను ఎంతో గర్వపడుతున్నాను. వాళ్లకు ఆశ్రయం ఇవ్వడం నాకు ఎంతో ఆనందాన్ని ఇచ్చింది’’ అని ప్రకాష్ రాజ్ తన ట్వీట్లో పేర్కొన్నారు. వలస కార్మికులకు వీడ్కోలు పలుకుతోన్న ఫొటోలను కూడా ట్వీట్లో పొందుపరిచారు.
from Telugu Movie News | Movie News in Telugu | Movie Gossips in Telugu https://ift.tt/2WaxCzw
v
No comments:
Post a Comment