సుదీర్ఘ సినీ ప్రయాణం చేసి తెలుగు తెరపై తిరుగులేని హీరో అనిపించుకున్నాక రాజకీయ బయటపట్టారు మెగాస్టార్ చిరంజీవి. ఆయన పెట్టిన 'ప్రజారాజ్యం' పార్టీకి తెలుగు ప్రజల నుంచి అనూహ్య స్పందన లభించింది. కానీ అనుకున్న రేంజ్లో పరిస్థితులు అనుకూలించకపోవడంతో అవన్నీ వదిలేసి తిరిగి కెమెరా ముందుకొచ్చి సత్తా చాటుతున్నారు మెగాస్టార్. అయితే ఇప్పుడు అన్నయ్య లాగే తమ్ముడు కూడా 'జనసేన' పార్టీ పేరుతో ప్రజలతో మమేకమవుతున్నారు. కాకపోతే రాజకీయాల్లో రాణిస్తూనే సినీ రంగంలోనూ తన మార్క్ నిలుపుకోవాలని ప్రయత్నిస్తున్నారు. ఈ క్రమంలోనే కొన్ని సినిమాలు ఒప్పుకున్నారు. అయితే తమ్ముడి కోసం అదిరిపోయే స్కెచ్ వేశారట. ఓ వైపు క్రియాశీల రాజకీయాల్లో భాగమవుతూనే మరోవైపు సినిమా షూటింగ్స్ చేస్తున్నారు పవన్ కళ్యాణ్. ప్రస్తుతం ఆయన ‘వకీల్ సాబ్’ సినిమా చేస్తున్నారు. వేణు శ్రీరామ్ తెరకెక్కిస్తోన్న ఈ మూవీని దిల్ రాజు నిర్మిస్తున్నారు. ఇందులో లాయర్ పాత్రలో పవన్ నటిస్తున్నారు. అదేవిధంగా క్రిష్ డైరెక్షన్ లో సినిమాను లైన్లో పెట్టారు. ఈ క్రమంలోనే పవన్ని సీఎం చేయాలని, అది కూడా తన ప్రమేయంతోనే అని ఫిక్స్ అయ్యారట చిరంజీవి. ఈ మేరకు తన అప్కమింగ్ మూవీ ‘లూసీఫర్’ రీమేక్లో తమ్ముడు పవన్ కళ్యాణ్తో ముఖ్యమంత్రి రోల్ చేయించాలని చూస్తున్నారట. ఒరిజినల్ వర్షన్ ‘లూసీఫర్’లో ముఖ్యమంత్రి అయిన సచిన్ కేడ్కర్ మరణించిన తర్వాత అతడి వారసుడిగా టోవినో థామస్ అనే హీరో ఎంట్రీ ఇస్తాడు. అతనికి మోహన్లాల్ ట్రైనింగ్ ఇచ్చి సీఎం కుర్చీలో కూర్చునేలా చేస్తాడు. ఇప్పుడు తెలుగు రీమేక్లో ఆ పాత్రను పవన్తో చేయిస్తే అన్నిరకాలుగా బాగుంటుందని భావిస్తున్నారట చిరు. దాదాపు పదిహేను నిమిషాల పాటు ఈ పాత్ర ఉంటుందనే టాక్ వినిపిస్తోంది. ఇప్పటికే ఇందుకు సంబందించిన చర్చలు కూడా ముగిశాయని సమాచారం. ఇదే గనక జరిగితే ఒకే తెరపై చిరంజీవి, పవన్ కళ్యాణ్లను చూసి మెగా అభిమానులు పడే సంబరం మిన్నంటడం ఖాయం. అంతేకాదు మరోరకంగా పవన్ సీఎం కుర్చీలో కూర్చునే సీన్.. ఆయన పొలిటికల్ జర్నీకి కూడా ప్లస్ అయ్యే అవకాశాలుంటాయి. చూద్దాం మరి ఏం జరుగుతుందో!.
from Telugu Movie News | Movie News in Telugu | Movie Gossips in Telugu https://ift.tt/3dmt4M5
v
No comments:
Post a Comment