సరళమైన పదాలతో చదువురాని వారికి కూడా అర్థమయ్యేలా అద్భుతమైన సాహిత్యాన్ని అందించే పాటల రచయిత చంద్రబోస్. తాను రాసే ప్రతి పాట నిరక్షరాస్యురాలైన తన తల్లికి అర్థకావాలనే విషయాన్ని మనసులో పెట్టుకుని రాస్తుంటానని ఆయన ఎన్నో సార్లు చెప్పారు. అలాంటి గొప్ప గేయ రచయిత అయిన చంద్రబోస్ తెలుగు సినీ పరిశ్రమలో తన ప్రయాణాన్ని మొదలుపెట్టి నేటికి 25 సంవత్సరాలు. 1995లో విడుదలైన ‘తాజ్మహల్’ సినిమాతో టాలీవుడ్లో గేయ రచయితగా అడుగుపెట్టారు. శ్రీకాంత్, మోనికాబేడి హీరోహీరోయిన్లుగా నటించిన ఈ సినిమాలోని ‘మంచుకొండల్లోని చంద్రమా’ పాట చంద్రబోస్కు మంచి గుర్తింపు తెచ్చిపెట్టింది. ఇక అక్కడి నుంచి చంద్రబోస్ ప్రయాణం అద్భుతంగా సాగింది. స్టార్ హీరోలందరికీ ఆయన పాటలు రాశారు. స్టార్ మ్యూజిక్ డైరెక్టర్లు అందరితో ఆయన పనిచేశారు. 1996లో విడుదలైన ‘పెళ్లిసందడి’ చిత్రానికిగాను ఉత్తమ గేయ రచయితగా ‘నంది అవార్డు’ను మొదటిసారి అందుకున్నారు చంద్రబోస్. ఈ సినిమాలోని అన్ని పాటలను ఆయనే రాశారు. Also Read: ‘ఆది’ సినిమాలోని ‘నీ నవ్వుల తెల్లదనాన్ని’, ‘నేనున్నాను’ చిత్రంలోని ‘చీకటితో వెలుగే చెప్పెను’ పాటలకు కూడా ఆయన నంది అవార్డులను అందుకున్నారు. ఇటీవల ‘రంగస్థలం’ చిత్రంలో ఆయన రాసిన ‘ఎంత సక్కగున్నావే’ పాటకు ఫిలింఫేర్, సైమా అవార్డులు వచ్చాయి. కాగా, రాక్స్టార్ దేవిశ్రీ ప్రసాద్తో ‘ఆర్య’ సినిమా నుంచి చంద్రబోస్ కలిసి పనిచేస్తున్నారు. దేవిశ్రీ సంగీత సారథ్యం వహించిన ‘రంగస్థలం’ సినిమాలో అన్ని పాటలను చంద్రబోసే రాశారు. చంద్రబోస్ అంటే దేవిశ్రీకి ఎంతో గౌరవం, అభిమానం. అందుకే, ఇండస్ట్రీలో ఆయన 25 ఏళ్లు పూర్తి చేసుకున్న సందర్భంగా ఒక పాటతో శుభాకాంక్షలు తెలిపారు దేవి. ‘రంగస్థలం’లోని ‘ఎంత సక్కగున్నావే’ పాట ఎంత పాపులర్ అయ్యిందో అందరికీ తెలిసిందే. దీనికి పేరడీని క్రియేట్ చేసి చంద్రబోస్కు అంకితమిచ్చారు దేవి. ఈ పాటను యూట్యూబ్లో అప్లోడ్ చేసి ట్విట్టర్ ద్వారా ప్రేక్షకులతో పంచుకున్నారు. ఈ పాటను దేవిశ్రీ రాశారు, పాడారు, ఎడిట్ చేశారు. ‘ఒకటి రెండు కాదు మూడు నాలుగు కాదు ఇరవై ఐదేళ్లుగా ఎన్నిన్ని పాటలు ఎంత సక్కగ రాసారో చంద్రబోస్ ఎంత సక్కగ రాసారో’ అంటూ సాగిన ఈ చిన్న పాట చాలా బాగుంది. మీరూ వినేయండి..
from Telugu Movie News | Movie News in Telugu | Movie Gossips in Telugu https://ift.tt/2M8Hkga
v
No comments:
Post a Comment