డైరెక్టర్ సందీప్ రెడ్డి వంగ ప్రారంభించిన ‘బి ద రియల్ మ్యాన్’ ఛాలెంజ్కు టాలీవుడ్ సెలబ్రిటీల నుంచి మంచి స్పందన వస్తోంది. ఇండస్ట్రీలోని స్టార్ హీరోలంతా ఈ ఛాలెంజ్ను స్వీకరించడమే కాకుండా తాము అసలు సిసలు మగాళ్లమని నిరూపించుకుంటున్నారు. ఇళ్లలో తాము స్వయంగా పనులు చేసిన వీడియోలను పంచుకుంటున్నారు. కానీ, సెన్సేషనల్ హీరో విజయ్ దేవరకొండ మాత్రం ఎప్పటిలానే కాస్త డిఫరెంట్గా ఆలోచించారు. తనదైన శైలిలో రిప్లై ఇచ్చారు. ఈ ఛాలెంజ్లో భాగంగా విజయ్ దేవరకొండను దర్శకుడు కొరటాల శివ నామినేట్ చేశారు. ఈ మేరకు ట్విట్టర్ ద్వారా తన వీడియోను షేర్ చేశారు శివ. అయితే, శివ ట్వీట్కు విజయ్ దేవరకొండ స్పందించారు. ‘‘శివ సార్.. మా మమ్మీ నన్ను పని చేయనివ్వట్లేదు. పని డబుల్ అవుతుందంట. ఇంట్లో ఇంకా అసలుసిసలు మగాళ్లలా చూడట్లేదు మమ్మల్ని. పిల్లల్లానే ట్రీట్ చేస్తున్నారు. కానీ, ఈ లాక్డౌన్లో ఒకరోజు నా మెరుపులు మీకు చూపిస్తాను’’ అని విజయ్ తన ట్వీట్లో పేర్కొన్నారు. కాగా, ఈ ఛాలెంజ్లో భాగంగా సందీప్ రెడ్డి మొదటిగా ఎస్.ఎస్.రాజమౌళిని నామినేట్ చేశారు. ఆ తరవాత ఈ ఛాలెంజ్ ఒకరి నుంచి ఒకరికి పాకింది. ఎన్టీఆర్, రామ్ చరణ్, చిరంజీవి, వెంకటేష్, క్రిష్, ఎం.ఎ.కీరవాణి ఇలా చాలా మంది ఈ క్వారంటైన్ సమయంలో ఇంట్లో తాము చేసిన పనులకు సంబంధించిన వీడియోలు సోషల్ మీడియాలో పోస్ట్ చేశారు. ఇప్పటి వరకు ఇంట్లో మనకోసం కష్టపడిన ఆడవాళ్ల కోసం ఇప్పుడు మనం పనిచేయడమే ఈ ఛాలెంజ్ వెనుకున్న ఐడియా. ఈ ఛాలెంజ్ కారణంగా ఇప్పటి వరకు తమ అభిమాన హీరోలను ఎప్పుడూ చూడని విధంగా ఫ్యాన్స్ చూస్తున్నారు. ఆ వీడియోలు చూసి ఎంజాయ్ చేస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/2VwYh9B
v
No comments:
Post a Comment