సంపూ ది రియల్ మ్యాన్.. కంసాలి వృత్తి చేసుకుంటూ..!

బర్నింగ్ స్టార్ గురించి పరిచయం అవసరంలేదు. తొలి సినిమా ‘హృదయకాలేయం’తోనే చెరిగిపోని ముద్ర వేసిన సెటైరికల్ హీరో. కేవలం హీరోగానే కాకుండా కమెడియన్‌గా అడపాదడపా సినిమాల్లో కనిపిస్తున్నారు. సంపూ చిన్న హీరో అయినప్పటికీ ఆయన మనసు చాలా పెద్దది. తాను సంపాదించేది కొద్దిగే అయినా దానిలోనే ఆయన దానధర్మాలు కూడా చేస్తుంటారు. పకృతి విపత్తులు సంభవించిన ప్రతిసారి సంపూర్ణేష్ బాబు తన వంతుగా విరాళాలు ఇస్తూనే వచ్చారు. తాజాగా సినీ కార్మికులను ఆదుకోవడానికి ఏర్పాటుచేసిన కరోనా క్రైసిస్ చారిటీకి లక్ష రూపాయలు విరాళంగా ఇచ్చి తన దాతృత్వాన్ని చాటుకున్నారు. సంపూర్ణేష్ బాబు మంచి మనసు చూసి ఎందరో ఆయనకు అభిమానులుగా మారిపోయారు. ఆయనపై సోషల్ మీడియాలో ప్రశంసలు కురిపిస్తున్నారు. అయితే, ఇప్పుడు ఆయన సింప్లిసిటీని చూసి మరోసారి అభిమానులు ప్రశంసల వర్షం కురిపిస్తున్నారు. సంపూర్ణేష్ బాబు ‘ది రియల్ మ్యాన్’ అంటున్నారు. ప్రస్తుతం లాక్‌డౌన్ కారణంగా సినిమా షూటింగ్‌లన్నీ ఆగిపోవడంతో సంపూ తన సొంతూరు సిద్ధిపేట వెళ్లిపోయారు. కుటుంబంతో గడుపుతున్నారు. Also Read: ఇదిలా ఉంటే, ప్రస్తుతం టాలీవుడ్‌లో ‘బి ద రియల్ మ్యాన్’ ఛాలెంజ్ నడుస్తోన్న సంగతి తెలిసిందే. ఈ ఛాలెంజ్‌లో సంపూర్ణేష్ బాబు పాల్గొన్నారు. ఈ ఛాలెంజ్‌లో భాగంగా తన కంసాలి వృత్తిని గుర్తుచేసుకున్నారు. తన భార్య కోసం కాలి మెట్టెలు, పిల్లల కోసం గజ్జలు స్వయంగా తయారుచేశారు. ఈ మేరకు ఒక వీడియోను సంపూ ట్వీట్ చేశారు. ‘‘రాజు పేద తేడా లేదు.. నీ ఆస్తి, డబ్బు నీ వెనక రావు.. నువ్వెక్కడి నుంచి వచ్చావో మర్చిపోకు అని నా నిజమైన స్థానం గుర్తు చేసుకుంటూ మా ఆవిడ కోసం, నా పాత కంసాలి వృత్తిని గుర్తు చేసుకుంటూ ఇంట్లో మిగిలిన గజ్జెలతో తనకి కాలి మెట్టెలు, పిల్లల కోసం గజ్జలు చేయించి ఇచ్చాను’’ అని ట్వీట్‌లో పేర్కొన్నారు.

from Telugu Movie News | Movie News in Telugu | Movie Gossips in Telugu https://ift.tt/2Y6bmIF
v