ప్రపంచాన్ని గడగడలాడిస్తున్న కరోనా వైరస్ ప్రభావంతో దేశ వ్యాప్తంగా లాక్ డౌన్ నడుస్తోంది. ఇళ్లు దాటి ప్రజలు బయటకు రాకుండా ప్రభుత్వాలు కఠిన నిర్ణయాలు తీసుకుంటుంది. వైరస్ నివారణా చర్యల్లో భాగంగా ప్రభుత్వ హెచ్చరికలు ఉల్లంఘించిన వారిపై కేసులు కూడా నమోదు చేసి జైలుకి పంపిస్తున్నారు. కాగా లాక్ డౌన్ కారణంగా సెలబ్రిటీలు క్వారంటైన్ పేరిట ఇళ్లకే పరిమితం అయ్యారు. తమ కుటుంబ సభ్యులతో సరదాగా గడుపుతున్నారు. కొంతమంది సెలబ్రిటీలు ఇంట్లోనే వర్కౌట్స్ చేస్తూ వీడియోలు సోషల్ మీడియాలో షేర్ చేసుకుంటుండగా.. హీరో ఆసక్తికరమైన వీడియోలను ఒక్కొక్కటిగా వదులుతున్నారు. తాజాగా తన ఇంటి బాల్కనీ ఉన్న చెట్టుపై ఓ పిట్ట గూడు పెట్టి పిల్లల్ని పొదగడాన్ని తన ఫోన్లో బంధించాడు నాని. ఇన్నాళ్లు పొల్యుషన్, శబ్ధాల వల్ల ఇది గమనించలేకపోయా అంటూ చెట్టుని పిట్టని.. పిట్ట పిల్లని వీడియో తీసి సోషల్ మీడియాలో షేర్ చేశారు. ఆ వీడియో వైరల్ కావడంతో మరో వీడియో వదిలారు. తొలి నుండి గరిటె తిప్పడంలో అలవాటు ఉన్న నాని.. చాలా ఏళ్ల తరువాత ఖాళీ దొరకడంతో తనలోని నలభీముడుకి పనిచెప్పారు. వంట గదిలో గరిటె తిప్పుతూ.. రుచికరమైన మసాలా శనగ కర్రీ చేస్తూ వీడియోను వదిలాడు. శ్రేయాస్ మీడియా షేర్ చేసిన ఈ వీడియో ఇప్పుడు సోషల్ మీడియాలో వైరల్ అవుతోంది. నేచురల్ స్టార్లో ఉన్న నలభీముడు క్వారంటైన్ టైమ్లో ఇలా బయటకు వచ్చాడన్నమాట.
from Telugu Movie News | Movie News in Telugu | Movie Gossips in Telugu https://ift.tt/2QXxK2z
v
No comments:
Post a Comment